ಭಾರತೀಯ ಚಿತ್ರರಂಗದ ಹೆಸರಾಂತ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರ ಮುಂದಿನ ಬಹುನಿರೀಕ್ಷಿತ ಪ್ರಾಜೆಕ್ಟ್ ಬುಧವಾರದಂದು ಘೋಷಣೆಯಾಗಿದೆ. ತಮ್ಮ ಮುಂದಿನ ಸಿನಿಮಾಗೆ "ಲವ್ & ವಾರ್" (Love & War) ಎಂದು ಶೀರ್ಷಿಕೆ ಇಟ್ಟಿದ್ದಾರೆ. ಈ ಚಿತ್ರದಲ್ಲಿ ಜನಪ್ರಿಯ ಕಲಾವಿದರಾದ ಆಲಿಯಾ ಭಟ್, ರಣ್ಬೀರ್ ಕಪೂರ್ ಮತ್ತು ವಿಕ್ಕಿ ಕೌಶಲ್ ಬಣ್ಣ ಹಚ್ಚಲಿದ್ದಾರೆ. ಬಹುಬೇಡಿಕೆ ನಟರ ಬಹುನಿರೀಕ್ಷಿತ ಸಿನಿಮಾ 2025ರ ಕ್ರಿಸ್ಮಸ್ ಸಂದರ್ಭದಲ್ಲಿ ಬಿಡುಗಡೆಯಾಗಲಿದೆ.
ಬನ್ಸಾಲಿ ಪ್ರೊಡಕ್ಷನ್ಸ್ ಎಕ್ಸ್ ಪೋಸ್ಟ್: "ಲವ್ & ವಾರ್" ನಿರ್ಮಾಣ ಮಾಡುತ್ತಿರುವ ಬನ್ಸಾಲಿ ಪ್ರೊಡಕ್ಷನ್ಸ್ ತನ್ನ ಅಧಿಕೃತ ಎಕ್ಸ್ ಖಾತೆಯಲ್ಲಿ ಸಿನಿಮಾ ಅಪ್ಡೇಟ್ಸ್ ಶೇರ್ ಮಾಡಿದೆ. "ಸಂಜಯ್ ಲೀಲಾ ಬನ್ಸಾಲಿ ಅವರ ಮುಂದಿನ ಸಿನಿಮಾ "ಲವ್ & ವಾರ್". ರಣ್ಬೀರ್ ಕಪೂರ್, ಆಲಿಯಾ ಭಟ್, ವಿಕ್ಕಿ ಕೌಶಲ್ ನಟನೆಯ ಚಿತ್ರ 2025ರ ಕ್ರಿಸ್ಮಸ್ಗೆ ಬಿಡುಗಡೆ ಆಗಲಿದೆ'' ಎಂದು ಬನ್ಸಾಲಿ ಬ್ಯಾನರ್ ತನ್ನ ಪೋಸ್ಟ್ನಲ್ಲಿ ಬರೆದುಕೊಂಡಿದೆ.
ಬಾಲಿವುಡ್ ಬಹುಬೇಡಿಕೆ ನಟ ರಣ್ಬೀರ್ ಕಪೂರ್ ಅವರ ಚೊಚ್ಚಲ ಚಿತ್ರ "ಸಾವರಿಯಾ" (2007)ಗೆ ಸಂಜಯ್ ಲೀಲಾ ಬನ್ಸಾಲಿ ಆ್ಯಕ್ಷನ್ ಕಟ್ ಹೇಳಿದ್ದರು. ಎರಡನೇ ಬಾರಿ ರಣ್ಬೀರ್ ಮತ್ತು ಬನ್ಸಾಲಿ ಸಿನಿಮಾವೊಂದಕ್ಕೆ ಒಂದಾಗಿದ್ದಾರೆ. 2022ರ "ಗಂಗೂಬಾಯಿ ಕಥಿಯಾವಾಡಿ" ಮೂಲಕ ರಾಷ್ಟ್ರ ಪ್ರಶಸ್ತಿ ಮುಡಿಗೇರಿಸಿಕೊಂಡ ಆಲಿಯಾ ಭಟ್ ಕೂಡ ಮತ್ತೊಮ್ಮೆ ಬನ್ಸಾಲಿ ಜೊತೆ ಕೈ ಜೋಡಿಸಿದ್ದಾರೆ. ಗಂಗೂಬಾಯಿ ಕಥಿಯಾವಾಡಿಗೆ ಬನ್ಸಾಲಿ ಆ್ಯಕ್ಷನ್ ಕಟ್ ಹೇಳಿದ್ದರು. ರಾಲಿಯಾ ದಂಪತಿ ಬನ್ಸಾಲಿ ಜೊತೆ ಎರಡನೇ ಬಾರಿ ಕೈ ಜೋಡಿಸಿದ್ದರೆ, ವಿಕ್ಕಿ ಕೌಶಲ್ ಅವರಿಗೆ ಇದು ಮೊದಲ ಪ್ರಾಜೆಕ್ಸ್.