Shahana Become Sharda : ત્રિપલ તલાક પીડિતાએ હલાલાના ડરથી વેલેન્ટાઈન ડે પર સાત ફેરા લીધા, સનાતન ધર્મ અપનાવ્યો

બુલંદશહેરની શાહનાને ત્રણ તલાક આપીને સાસરેથી કાઢી મુકવામાં આવી હતી. વેલેન્ટાઈન ડે પર ટ્રિપલ તલાક પીડિતાએ સનાતન ધર્મ અપનાવ્યો અને બહેરીના રહેવાસી ઓમપ્રકાશ સાથે મંદિરમાં સાત ફેરા લીધા અને તેનું નામ બદલીને શારદા રાખ્યું હતું.

બરેલી : વેલેન્ટાઈન ડેના અવસર પર બરેલીમાં એક અનોખો કિસ્સો સામે આવ્યો છે. ટ્રિપલ તલાક પીડિતા યુવતીએ હલાલાના ડરથી એક હિન્દુ યુવક સાથે હિંદુ રીતિરિવાજ મુજબ લગ્ન કર્યા છે અને પોતાનું નામં બદલીને શારદા બની ગઇ છે. બુલંદ શહેરની ટ્રિપલ તલાક પીડિતાએ બુધવારે બરેલીના બહેદીમાં રહેતા તેના પ્રેમી સાથે મંદિરમાં લગ્ન કર્યા હતા. જે બાદ તે ખુશ દેખાતી હતી અને હવે તે જીવનભર તેના પ્રેમી પતિ સાથે રહેવા માંગે છે.

સનાતન ધર્મ અપનાવ્યો

હલાલા માટે દબાણ : બુલંદશહરની રહેવાસી ટ્રિપલ તલાક પીડિતા શાહનાએ જણાવ્યું કે તેનો પતિ કોઈ કામ કરતો નથી. ઉલટું, તે તેને મારતો હતો અને જ્યારે તેણી તેનો વિરોધ કરતી ત્યારે તેણે તેણીને ટ્રિપલ તલાક આપીને ઘરની બહાર કાઢી મૂકી હતો. ટ્રિપલ તલાક બાદ પૂર્વ પતિ તેના પર હલાલા માટે દબાણ કરી રહ્યો હતો. પરંતુ, તેણે હલાલાનો વિરોધ કર્યો અને તેની સાથે સંમત ન થઇ. ટ્રિપલ તલાક પીડિતા શાહનાના જણાવ્યા અનુસાર, બે વર્ષ પહેલા તે બરેલીના બહેડીના રહેવાસી ઓમપ્રકાશને મળી હતી, ત્યારબાદ તેમની મુલાકાત પ્રેમમાં બદલાઈ ગઈ હતી. ટ્રિપલ તલાક પીડિત શાહના તેના પ્રેમી ઓમપ્રકાશના પ્રેમ માટે બુલંદશહર છોડીને બરેલી આવી હતી.

હિંદુ રીતિરિવાજ મુજબ લગ્ન : વેલેન્ટાઈન ડે પર પ્રેમીનો હાથ પકડીને શાહના બની શારદા બુલંદશહરની રહેવાસી ટ્રિપલ તલાક પીડિતા તેના પ્રેમી ઓમ પ્રકાશ માટે ઘર છોડી ગઈ હતી અને મંગળવારે વેલેન્ટાઈન ડેના દિવસે ઈજ્જતનગર પોલીસ સ્ટેશન વિસ્તારના એક મંદિરમાં ઓમપ્રકાશ સાથે હિંદુ રીતિરિવાજ મુજબ લગ્ન કર્યા હતા. હિંદુ પ્રેમી ઓમપ્રકાશ સાથે લગ્ન કરનાર શાહનાએ ઈસ્લામ છોડીને હિંદુ ધર્મ અપનાવ્યો અને પોતાનું નામ શારદા રાખ્યું. શારદા સાથે લગ્ન કરનાર તેના પ્રેમી ઓમપ્રકાશે જણાવ્યું કે તે છેલ્લા બે વર્ષથી શાહનાને પ્રેમ કરતો હતો અને ધર્મની દીવાલ તોડીને બંનેએ પ્રેમ માટે લગ્ન કર્યા હતા અને હવે તેઓ જીવનભર સાથે રહેવા માંગે છે.