પ્રિયંકા ગાંધી વાડ્રાએ કહ્યું કે, આપણું બંધારણ એક સુરક્ષા કવચ છે, જે નાગરિકોને સુરક્ષિત રાખે છે. તે ન્યાય, એકતા, અભિવ્યક્તિના અધિકારનું કવચ છે. દુઃખદ છે કે છેલ્લા 10 વર્ષમાં મોટા-મોટા દાવા કરનારા સત્તાધારી પક્ષના સાથીઓએ આ કવચને તોડવાનો પૂરેપૂરો પ્રયાસ કર્યો છે. બંધારણ સામાજિક, આર્થિક અને રાજકીય ન્યાયનું વચન આપે છે. આ વચનો સુરક્ષા કવચ છે અને તેને તોડવાનું કામ શરૂ થઈ ગયું છે. આ સરકાર લેટરલ એન્ટ્રી અને ખાનગીકરણ દ્વારા આરક્ષણને નબળું પાડવાનો પ્રયાસ કરી રહી છે.
શિયાળુ સત્ર 2024: લોકસભામાં પ્રિયંકા ગાંધીનું પ્રથમ ભાષણ, જુઓ શું કહ્યું... - WINTER SESSION 2024
સંસદનું શિયાળુ સત્ર 2024 (ANI)
Published : 7 hours ago
|Updated : 2 hours ago
નવી દિલ્હી :સંસદનું શિયાળુ સત્ર 2024 ગત 25 નવેમ્બરથી ચાલુ થયું છે. આજે શુક્રવારના રોજ સંસદ કાર્યવાહીનો 14 મો દિવસ છે. આજે શુક્રવાર અને કાલે શનિવાર એમ બે દિવસ બંધારણ દિવસ પર ચર્ચા થશે. ગૃહની કાર્યવાહી સવારે 11 વાગ્યે શરૂ થશે. મળતી માહિતી મુજબ પ્રશ્નકાળનો સમય બપોરે 11 થી 12 નો સમય નક્કી કરવામાં આવ્યો છે, ત્યારબાદ ચર્ચા શરૂ થશે. રક્ષા મંત્રી રાજનાથ સિંહ શાસક પક્ષ તરફથી ચર્ચાની શરૂઆત કરશે. આ પછી તમામ નેતાઓ ભાગ લેશે.
LIVE FEED
"બંધારણ આપણું સુરક્ષા કવચ છે, તેને તોડવાનો પ્રયાસ થયો" : પ્રિયંકા ગાંધી વાડ્રા
લોકસભામાં પ્રિયંકા ગાંધીનું પ્રથમ ભાષણ
પ્રિયંકા ગાંધી લોકસભામાં પોતાનું પ્રથમ ભાષણ આપી રહ્યા છે. પ્રિયંકા ગાંધીએ ભાષણ દરમિયાન કહ્યું કે, અમારી સંવાદ અને ચર્ચાની પરંપરા રહી છે. વાદવિવાદ એ સંવાદની જૂની પરંપરા રહી છે. બંધારણ ન્યાય અને આશાનો પ્રકાશ છે.
"મૂળ ભાવના ગુમાવ્યા વિના લોકશાહી જાળવી રાખી" : રાજનાથ સિંહ
બંધારણની 75મી વર્ષગાંઠ પર રાજનાથ સિંહે કહ્યું કે, ઘણી પોસ્ટ-કોલોનિયલ લોકશાહી અને તેમનું બંધારણ લાંબું ટકી શક્યું નથી, પરંતુ ભારતીય બંધારણ તમામ પડકારો છતાં તેની મૂળભૂત ભાવના ગુમાવ્યા વિના વિશ્વની સૌથી મોટી લોકશાહીને જાળવી રાખવામાં મહત્વપૂર્ણ ભૂમિકા ભજવી રહ્યું છે. આપણે બધા બંધારણના સંરક્ષક અને દુભાષિયા તરીકે સર્વોચ્ચ અદાલતની ભૂમિકાને સ્વીકારીએ છીએ.
લોકસભામાં બંધારણ પર ચર્ચા શરૂ
લોકસભામાં બંધારણ પર ચર્ચા શરૂ થઈ ગઈ છે, રક્ષા મંત્રી રાજનાથ સિંહે આ ચર્ચાની શરૂઆત કરતા કહ્યું કે, બંધારણ માત્ર કાયદાકીય દસ્તાવેજ નથી. બંધારણે નાગરીકોને નૈતિક અને મૂળભૂત અધિકારો આપ્યા છે. આજે બંધારણના રક્ષણની વાત થઈ રહી છે. આ આપણા સૌની ફરજ છે. પરંતુ આપણે એ પણ સમજવું પડશે કે કોણે બંધારણનું સન્માન કર્યું છે અને કોણે તેનું અપમાન કર્યું છે.
ભાજપનો જુગાડ છે 'વન નેશન, વન ઇલેક્શન' : અખિલેશ યાદવ
વન નેશન વન ઇલેક્શન પર સપાના સાંસદ અખિલેશ યાદવે કહ્યું કે, ચૂંટણી જીતવા માટે આ ભાજપનો 'જુગાડ' છે. લોકસભામાં બંધારણ પરની ચર્ચા પર તેમણે કહ્યું કે, બંધારણની રક્ષા કરવી દરેકની જવાબદારી છે. બંધારણ આપણને (PDA કુટુંબ) આગળનો માર્ગ બતાવે છે અને આપણું રક્ષણ કરે છે. બંધારણની રક્ષા કરવાની જવાબદારી 'PDA પરિવાર'ની છે. સરકારના નિર્ણયને કારણે દેશમાં અસમાનતા વધી છે. ધર્મનિરપેક્ષતાને મજબૂત બનાવવી જોઈએ.
કોંગ્રેસ સાંસદે લોકસભા અધ્યક્ષને લખ્યો પત્ર
ગુરુવારે લોકસભામાં ભાજપ સાંસદ નિશિકાંત દુબે દ્વારા કરવામાં આવેલી ટિપ્પણી પર કોંગ્રેસના સાંસદ મનિકમ ટાગોરે લોકસભા અધ્યક્ષ ઓમ બિરલાને પત્ર લખ્યો છે. જેમાં કહેવામાં આવ્યું છે કે, નિશિકાંત દુબેની ટિપ્પણી અપમાનજનક છે, તેમાં ખોટા અને નુકસાનકારક ઈરાદાઓ છે. તેમણે વિપક્ષના નેતા રાહુલ ગાંધી, કોંગ્રેસ સંસદીય દળના અધ્યક્ષ અને રાજ્યસભાના સભ્ય સોનિયા ગાંધી પર આક્ષેપ કર્યા છે, તેથી વિનંતી છે કે તે ટિપ્પણીને તાત્કાલિક લોકસભામાંથી દૂર કરવામાં આવે.
"પહેલા અમે જોઈશું કે આ બિલમાં શું છે" : મલ્લિકાર્જુન ખડગે
'વન નેશન, વન ઈલેક્શન' પર કોંગ્રેસ અધ્યક્ષ મલ્લિકાર્જુન ખડગેએ કહ્યું કે, અમે જોઈશું કે બિલમાં શું છે. તેઓ તે કેવી રીતે કરશે, અમે બધી વસ્તુઓને જોઈશું અને પછી અમે તેના પર પ્રતિક્રિયા કરીશું. સાથે જ આજે લોકસભામાં બંધારણ પરની ચર્ચા પર તેમણે કહ્યું કે, અમે એક શરત રાખી છે કે બંધારણ પર ચર્ચા થવી જોઈએ. ઘણી ગેરબંધારણીય બાબતો ચાલી રહી છે, ઘણી સ્વાયત્ત સંસ્થાઓનો દુરુપયોગ થઈ રહ્યો છે. દેશમાં શાસન સારું નથી. અમે ચર્ચા ઈચ્છીએ છીએ, જેથી દરેકને ખબર પડે કે શાસન કેવી રીતે ચાલી રહ્યું છે.
રાજનાથ સિંહ કરશે ચર્ચાની શરૂઆત, PM મોદી શનિવારે આપશે જવાબ
શાસક પક્ષ તરફથી રાજનાથ સિંહ ચર્ચાની શરૂઆત કરશે. ત્યારબાદ એનડીએના નેતાઓ અને કેન્દ્રીય મંત્રીઓ એચડી કુમારસ્વામી, શ્રીકાંત શિંદે, અનુપ્રિયા પટેલ, રાજીવ સંજનસિંહ, રાજકુમાર સાંગવાન પણ બોલશે. બીજી તરફ PM મોદી 14 ડિસેમ્બર, શનિવારે બંધારણના 75 વર્ષ પૂર્ણ થવા પર ચર્ચાનો જવાબ આપશે.
બંધારણ દિવસ પર વિશેષ સત્ર, પ્રિયંકા ગાંધી કરશે ચર્ચાની શરૂઆત!
બંધારણના 75 વર્ષ પૂર્ણ થવા પર આજે વિશેષ સત્રનું આયોજન કરવામાં આવ્યું છે. આ પ્રસંગે મુખ્ય પક્ષોના નેતાઓ તેમાં ભાગ લેશે અને પોતાના વિચારો રજૂ કરશે. મળતી માહિતી મુજબ વાયનાડથી કોંગ્રેસ સાંસદ પ્રિયંકા ગાંધી આજે પહેલીવાર લોકસભામાં બોલશે. કોંગ્રેસના સૂત્રોએ જણાવ્યું છે કે તેઓ ચર્ચા શરૂ કરી શકે છે.
Last Updated : 2 hours ago