ভোটাধিকাৰ সাব্যস্ত কৰি শৈলেন্দ্ৰ সৰকাৰক শুভকামনা জনালে ফণীভূষণ চৌধুৰীয়ে

বঙাইগাঁও: ৰাজ্যৰ পাঁচ বিধানসভা সমষ্টিত উপ-নিৰ্বাচনৰ বাবে ইতিমধ্যে আৰম্ভ হৈছে ভোটগ্ৰহণ । বঙাইগাঁও বিধানসভা সমষ্টিত পুৱাৰে পৰাই আৰম্ভ হৈছে ভোট গ্ৰহণ প্ৰক্ৰিয়া । ৰাইজে ভিৰ কৰিছে বঙাইগাঁৱৰ বিভিন্ন ভোটকেন্দ্ৰত । বঙাইগাঁৱৰ মুঠ ২৪৬ টা বুথত ভোটগ্ৰহণ চলিছে । বঙাইগাঁও চহৰৰ বৰপাৰাৰ বীৰঝৰা ছোৱালী উচ্চতৰ মাধ্য়মিক বিদ্য়ালয়ত ভোটাধিকাৰ সাব্যস্ত কৰিলে বৰপেটা লোকসভা সমষ্টিৰ সাংসদ ফণীভূষণ চৌধুৰী আৰু অগপ দলৰ প্ৰাক্তন জিলা সাধাৰণ সম্পাদক তথা নিৰ্দলীয় প্ৰাৰ্থী শৈলেন্দ্ৰ সৰকাৰে ।  

শৈলেন্দ্ৰ সৰকাৰক শুভকামনা জনালে বৰপেটা লোকসভা সমষ্টিৰ সাংসদ ফণীভূষণ চৌধুৰীয়ে । এই সমষ্টিটোত প্রতিদ্বন্দ্বিতা কৰা আঠগৰাকী প্ৰাৰ্থী হৈছে অগপৰ দীপ্তিময়ী চৌধুৰী, কংগ্ৰেছৰ ব্ৰজেনজিৎ সিংহ, এছ ইউ চি আইৰ মৃত্যুঞ্জয় ৰাভা, নিৰ্দলীয় পাঁচগৰাকী ক্ৰমে অনুপ কুমাৰ কৰ্মকাৰ, গৌতম ৰয়, দীপক দাস, ভদ্ৰেশ্বৰ বৰ্মন আৰু শৈলেন্দ্ৰ সৰকাৰ ।