যোৰাবাটৰ ৰাজপথত পানী ফালি ফালি লখিমপুৰৰ কেবিনেটলৈ ওলাল মুখ্যমন্ত্ৰী - ARTIFICIAL FLOOD IN JORABAT
Published : Sep 3, 2024, 4:51 PM IST
গুৱাহাটী, 3 ছেপ্টেম্বৰ: মঙলবাৰে দুপৰীয়া অহা এজাক বৰষুণ আৰু তাৰ পিছতেই জলমগ্ন যোৰাবাটৰ ৰাজপথ ৷ ফলত হাহাকাৰ অৱস্থাৰ সৃষ্টি হয় এই ৰাষ্ট্ৰীয় ঘাইপথেৰে অহা-যোৱা কৰা সাধাৰণ যাত্ৰীৰ মাজত ৷ যোৰাবাটৰ কৃত্ৰিম বানত ৰাইজে ককবকাই থকা সময়তে পানী ফালি পাৰ হৈ গ'ল মুখ্যমন্ত্ৰীৰ কনভয় । কাইলৈ লখিমপুৰত অনুষ্ঠিত হ’বলগীয়া কেবিনেট বৈঠকত অংশগ্ৰহণৰ উদ্দেশ্যে যোৱাৰ সময়ত পানী ফালি আগবাঢ়ি যোৱা দেখা গ’ল মুখ্যমন্ত্ৰীৰ কনভয় ।
ইফালে কৃত্ৰিম বানৰ ফলত যোৰাবাটত বিঘ্নিত হৈছে যাতায়ত, সৃষ্টি হৈছে ভীষণ যানজঁটৰ । এজাক বৰষুণ আহিলেই যোৰাবাট আৰু খানাপাৰাৰ লগতে গুৱাটীৰ বিভিন্ন স্থান জলমগ্ন হোৱাৰ দৃশ্য অতি সুলভ হৈ পৰিছে ৷ বৰষুণ আহিলেই যেন জলবন্দী হৈ পৰে অনিল নগৰ, নবীন নগৰ, চানমাৰি, ৰাজগড়, জু-ৰোড, হাতীগাঁও, ৰুক্মিণীগাঁও, বেলতলা আদিকে ধৰি বহু অঞ্চলৰ জনতা ৷
লগতে পঢ়ক: মহানগৰ নে মহাসাগৰ ? জলময় গুৱাহাটী - Guwahati Flash Flood