গুৱাহাটীত উপস্থিত আফগানিস্তান-ভাৰতৰ ফুটবল দল - Fifa World Cup Qualifying Match - FIFA WORLD CUP QUALIFYING MATCH

গুৱাহাটী, ২৩ মাৰ্চ: ফিফা বিশ্বকাপ ২০২৬ ৰ যোগ্যতা নিৰ্ণায়কৰ খেলখনৰ বাবে শনিবাৰে গুৱাহাটীত উপস্থিত হয় আফগানিস্তানৰ ফুটবল দল । শনিবাৰে বিয়লি বৰঝাৰ বিমান বন্দৰত অৱতৰণ কৰে আফগানিস্তানৰ ফুটবল দলটো । ২৬ মাৰ্চত গুৱাহাটীৰ সৰুসজাই ষ্টেডিয়ামত অনুষ্ঠিত হ’ব যোগ্যতা নিৰ্ণায়কৰ খেলখন । খেলখনত ভাৰতৰ বিৰুদ্ধে অৱৰ্তীণ হ’ব আফগানিস্তান ।

বৰঝাৰ বিমান বন্দৰত দলটো উপস্থিত হোৱাৰ পাচত খেলুৱৈসকলক অসম ফুটবল সন্থাই আদৰণি জনায় । দেওবাৰৰ পৰা অনুশীলন আৰম্ভ কৰিব দলটোৱে । ইফালে আজি পুৱাৰ ভাগত আহি উপস্থিত হৈছে ভাৰতীয় দলটো । আফগানিস্তান-ভাৰতৰ ফুটবল দল দুটা হোটেল ৰেডিছন ব্লুত থাকিব । ২৬ মাৰ্চত নৈশ আলোকত সন্ধিয়া ৭ বজাৰ পৰা সৰুসজাই ইন্দিৰা গান্ধী এথলেটিকছ ষ্টেডিয়ামত অনুষ্ঠিত হ’ব আন্তঃৰাষ্ট্ৰীয় ফুটবল খেলখন । 

লগতে পঢ়ক: ২৬ মাৰ্চত গুৱাহাটীত ভাৰত-আফগানিস্তানৰ ফিফা বিশ্বকাপৰ কোৱালিফায়িং মেচ