চকুৰ পচাৰতে জ্বলি ছাই হ’ল মৰমৰ ঘৰখন - Massive fire breaks out - MASSIVE FIRE BREAKS OUT

টীয়ক, 21 মে’ : যোৰহাট জিলাৰ টীয়কৰ চিৰাম মিচিং গাঁৱত সংঘটিত হয় ভয়ংকৰ অগ্নিকাণ্ডৰ ঘটনা ৷ মঙলবাৰে পুৱতি নিশা সংঘটিত হয় এই অগ্নিকাণ্ডৰ ঘটনাটো ৷ বিপুল ৰেগন নামৰ ব্যক্তিগৰাকীৰ বাসগৃহত সংঘটিত হয় এই অঘটন ৷ ফলত কথমপি প্ৰাণ ৰক্ষা পৰে পৰিয়ালটিৰ আটাইকেইটা সদস্যৰ ৷

এই অগ্নিকাণ্ডৰ ফলত ঘৰৰ এটা কোঠালিত থকা সকলো সা-সম্পত্তি জুইত ভস্মীভূত হয় বুলি জানিব পৰা গৈছে ৷ জ্বলি ছাই হোৱা সম্পত্তিখিনিৰ মূল্য কেইবা লক্ষাধিক টকা হ’ব বুলি অনুমান কৰা হৈছে ।

অৱশ্যে বাতৰি যুগুত কৰা পৰলৈকে কি কাৰণত এই অগ্নিকাণ্ড সংঘটিত হয়, তাৰ কাৰণ জানিব পৰা হোৱা নাই ৷ স্থানীয় ৰাইজৰ সহযোগত টীয়ক অগ্নিনিৰ্বাপক বাহিনীয়ে ইতিমধ্য়ে সম্পূৰ্ণৰূপে জুই নুমুৱাবলৈ সক্ষম হৈছে বুলি মন্তব্য কৰিছে স্থানীয় ৰাইজে ৷ 

লগতে পঢ়ক: নুমলীগড়ত বন্যহস্তীৰ আক্ৰমণত নিহত এজন - wild elephant attack