ডিব্ৰুগড়ত গেৰুৱা হ’ল দুই শতাধিক কংগ্ৰেছ কৰ্মী - Congress Workers Joins BJP

ডিব্ৰুগড়, 7 মাৰ্চ : ডিব্ৰুগড় লোকসভা সমষ্টিৰ বাবে ৰাজ্যৰ প্ৰাক্তন মুখ্যমন্ত্ৰী সৰ্বানন্দ সোণোৱালক বিজেপিয়ে প্ৰাৰ্থিত্ব প্ৰদান কৰা পাচতেই ডিব্ৰুগড়ত দলটোৱে ব্যাপক ৰূপত আৰম্ভ কৰিছে সাংগঠনিক কাম-কাজ ৷ আজি ডিব্ৰুগড়ৰ বিধায়ক প্ৰশান্ত ফুকনৰ উপস্থিতিত বিজেপিত যোগদান কৰিলে দুশৰো অধিক কংগ্ৰেছ কৰ্মীয়ে ৷

ডিব্ৰুগড়ত কংগ্ৰেছৰ দখলত থকা একমাত্ৰ ৱাৰ্ড, ডিব্ৰুগড় পৌৰ নিগমৰ অধীনৰ 10 নং ৱাৰ্ডৰ দুশৰো অধিক কংগ্ৰেছ কৰ্মীয়ে আজি আনুষ্ঠানিকভাৱে বিজেপিত যোগদান কৰে ৷ ৱাৰ্ডটোৰ অধিকাংশ নেতৃস্থানীয় ব্যক্তিসহ মহিলা-পুৰুষে আনুষ্ঠানিকভাৱে ত্যাগ কৰিলে কংগ্ৰেছ ৷ ডিব্ৰুগড়ৰ বিধায়ক তথা জ্যেষ্ঠ বিজেপি নেতাই নতুনকৈ যোগদান কৰা সকলক দললৈ আদৰণি জনায় ৷ এই যোগদান কাৰ্যসূচীত উপস্থিত থাকে  ডিব্ৰুগড় পৌৰ নিগমৰ মেয়ৰ ডাঃ চৈকত পাত্ৰ, বিধায়ক প্ৰশান্ত ফুকন, বিজেপিৰ জিলা সভাপতি উজ্জ্বল কাশ্যপসহ ভালেমান বিজেপি নেতা ৷

লগতে পঢ়ক : মঙলদৈত তিনি শতাধিক কংগ্ৰেছ কৰ্মীৰ বিজেপিত যোগদান