পল্লা পথত ডকাইতি কাণ্ডৰে জড়িত দুজন ডকাইতক গ্ৰেপ্তাৰ বেলশৰ আৰক্ষীৰ - robbery case in nalbari - ROBBERY CASE IN NALBARI

নলবাৰী, 12 জুন: 31 মে’ৰ নিশা নলবাৰীৰ পশ্চিম প্ৰান্তত সংঘটিত হৈছিল এটি চাঞ্চল্যকৰ ডকাইতিৰ ঘটনা । উক্ত ঘটনাৰ সৈতে জড়িত থকাৰ অভিযোগত দুটা অভিযুক্তক আৰক্ষীয়ে গ্ৰেপ্তাৰ কৰিবলৈ সক্ষম হয় ৷

উল্লেখ্য যে, বাট আগচি ধৰি পিষ্টল দেখুৱাই কমল ভাগৱতী নামৰ এজন লোকৰ পৰা স্কুটী আৰু নগদ ধন কাঢ়ি লৈ গৈছিল ডকাইতৰ দল এটাই । নলবাৰী-সৰ্থেবাৰী সংযোগী পল্লা পথৰ মিলিজুলি চ'কত সংঘটিত হৈছিল সেই চাঞ্চল্যকৰ ডকাইতিৰ ঘটনাটো । তাৰ পিছতে ঘটনাস্থলীত স্থানীয় বেলশৰ আৰক্ষী উপস্থিত হৈ 31 মে’ৰ পৰা ক্ষীপ্ৰগতিত আৰম্ভ কৰিছিল তদন্ত । 

অৱশেষত নলবাৰীৰ দিশৰ পৰা বেলশৰ অভিমুখে গৈ থাকোতে আৰক্ষীয়ে আটক কৰিবলৈ সক্ষম হয় দুই অভিযুক্তক । ধৃত ডকাইতকেইটা ক্ৰমে পাপুলী আহমেদ আৰু বগা বুলি আৰক্ষীয়ে জনায় । আৰক্ষীয়ে ডকাইতৰ দলটোৰ পৰা এখন স্কুটীও জব্দ কৰে । জব্দকৃত স্কুটীখনৰ পঞ্জীয়ন নম্বৰ AS 14 K 7727 । সম্প্ৰতি ডকাইতকেইটা বেলশৰ আৰক্ষীৰ জিম্মাত আছে ।

লগতে পঢ়ক: চিনেমাৰ কায়দাৰে পিষ্টল দেখুৱাই ডকাইতে কাঢ়ি নিলে চলন্ত স্কুটী - Robbery in Nalbari