স্প’ৰ্টছ ডেস্ক,২৯ জুন :ৰোহিত শৰ্মাৰ নেতৃত্বত ভাৰতীয় দলটোৱে শনিবাৰে দক্ষিণ আফ্ৰিকাৰ বিৰুদ্ধে টি-২০ বিশ্বকাপৰ ফাইনেল খেলিব । ভাৰত আৰু দক্ষিণ আফ্ৰিকা দুয়োটা দলে এই প্ৰতিযোগিতাত এখনো মেচত পৰাজিত হোৱা নাই আৰু আকাংক্ষিত ট্ৰফীটো তুলি ল'বলৈ দুয়োটা দলে আগ্ৰহী ।
ভাৰতে শেষবাৰৰ বাবে ২০১৩ চনত আইচিচি ট্ৰফী লাভ কৰিছিল । মহেন্দ্ৰ সিং ধোনীৰ নেতৃত্বত দলটোৱে আইচিচি চেম্পিয়নছ ট্ৰফী দখল কৰিছিল । ভাৰতীয় দলটোৱে মুখ্য প্ৰশিক্ষক ৰাহুল দ্ৰাবিড়ক এক বিশেষ উপহাৰ দি বিদায় দিবলৈ আগ্ৰহী হ'ব । কিয়নো ফাইনেলৰ লগে লগে ৰাহুলৰ মুখ্য প্ৰশিক্ষক হিচাপে কাৰ্যকাল সমাপ্ত হ'ব ।
চলিত টি-২০ বিশ্বকাপত এতিয়ালৈকে ভাৰতৰ ৭ গৰাকী গুৰুত্বপূৰ্ণ খেলুৱৈ আৰু দললৈ তেওঁলোকৰ অৱদান :
ৰোহিত শৰ্মা :এগৰাকী অধিনায়ক হিচাপে সৰ্বশ্ৰেষ্ঠ প্ৰদৰ্শন কৰিছে । নিস্বাৰ্থ, আক্ৰমণাত্মক, ৰণনীতিবিদ আৰু চৰ্ত সাপেক্ষে খেলৰ তীক্ষ্ণ জ্ঞানৰ সৈতে শৰ্মাই বিভিন্ন কঠিন পৰিস্থিতিত দলটোক উদ্ধাৰ কৰিছে । ড্ৰপ-ইন পিটছৰ প্ৰত্যাহ্বান নেওচি তেওঁ দলটোক এগৰাকী সফল অধিনায়ক হিচাপে নেতৃত্ব দিছে ।
অৱশ্যে অষ্ট্ৰেলিয়াৰ বিৰুদ্ধে বিস্ফোৰক ৯২ আৰু কঠিন পৰিস্থিতিত ইংলেণ্ডৰ বিৰুদ্ধে সতৰ্ক আৰু দুৰ্দান্তমূলৰ প্ৰদৰ্শন হিচাপে ৫৭ ৰাণৰ ইনিংছে তেওঁক নায়ক হিচাপে পৰিগণিত কৰিছে । দক্ষিণ আফ্ৰিকাৰ ডেভিদ মিলাৰৰ পিচতে তেওঁ ৪২০ ৰাণত এই ফৰ্মেটৰ দ্বিতীয় সৰ্বাধিক ৰাণ সংগ্ৰহকাৰী হৈ আছে ।
বিৰাট কোহলী : মাষ্টাৰ বেটাৰ আৰু ভাৰতীয় ক্ৰিকেটৰ ৰকষ্টাৰ কোহলীয়ে ফাইনেললৈ ৮ খন মেচত ক্ৰমে ৪, ৭, ০, ০, ৪, ৭, ৯, ২৩, ৩৭ ৰাণৰ সৈতে নিৰাশাজনক প্ৰদৰ্শন দেখুৱাইছে । কিন্তু তেওঁৰ সৰ্বশ্ৰেষ্ঠ প্ৰদৰ্শন এতিয়াও অনুৰাগীৰ লগতে দলটোৱে অপেক্ষা কৰি আছে ।
সম্ভৱতঃ ফাইনেলত সেই বিজয়ী ইনিংছ খেলি তেওঁ দেশৰ লগতে অনুৰাগীসকলক এক আকৰ্ষণীয় উপহাৰ দিব বিচাৰিব । প্ৰশিক্ষক ৰাহুল দ্ৰাবিড়েও তেওঁৰ উন্নত বেটিঙৰ অপেক্ষাত আছে ।
হাৰ্দিক পাণ্ডিয়া : ট্ৰাবলশ্বুটাৰ, ফিনিচাৰ, পাৰ্টনাৰশ্বিপ ব্ৰেকাৰ, বিল্ডাৰ হিচাপে পাণ্ডিয়াক এই প্ৰতিযোগিতাত দেখা গৈছে । হাৰ্দিকে এই প্ৰতিযোগিতাখনত তেওঁৰ সহায়ক ভূমিকা পালন কৰিছে আৰু অধিনায়কে তেওঁৰ বাবে নিৰ্ধাৰিত সকলো লক্ষ্য পূৰণ কৰিছে । বিশেষকৈ ডেথ অভাৰত বল আৰু বেটিঙেৰে তেওঁ দলটোক ৰক্ষা কৰিছে ।
যশপ্ৰীত বুমৰাহ : জৰুৰী স্কেলাৰ, পাৱাৰপ্লে কিলাৰ, মাৰাত্মক য়ৰ্কাৰ কৰোতা হিচাপে বুমৰাহে এই টুৰ্ণামেণ্টত সকলোৰে দৃষ্টি আকৰ্ষণ কৰিছে । প্ৰয়োজনত তেওঁ দলক উইকেট দিবলৈ সক্ষম হৈছে । পেচ স্পীডাৰে ইনিংছ আৰম্ভ কৰা নাই যদিও তেওঁ আনটো প্ৰান্তৰ পৰা বিপক্ষৰ ওপৰত আঘাত কৰিছে বা নিয়মীয়াকৈ তেওঁলোকৰ ৰাণ সংগ্ৰহত বাধা দিবলৈ সক্ষম হৈছে । এই সংস্কৰণত বুমৰাহৰ নামত ১৩ টা উইকেট আছে আৰু বৰ্তমান তেওঁ দ্বিতীয় শীৰ্ষস্থানৰ উইকেট সংগ্ৰহকাৰী ।
অৰ্শদীপ সিং : বাওঁহাতৰ পেচাৰ অৰ্শদীপ সিঙে টি-২০ বিশ্বকাপৰ এইটো সংস্কৰণত মেন ইন ব্লুৰ হৈ সৰ্বাধিক উইকেট সংগ্ৰহকাৰী । ইংলেণ্ডৰ বিৰুদ্ধে ছেমি ফাইনেলত অৰ্শদীপে তেওঁৰ দুই অভাৰৰ স্পেলত এটাও উইকেট ল'ব নোৱাৰিলে । চলিত বিশ্বকাপত অৰ্শদীপৰ ১৫ টা উইকেট আছে ।
কুলদীপ যাদৱ : প্ৰতিযোগিতাখনৰ কেৰিবিয়ান লেগত ভাৰতৰ বাবে এক মাষ্টাৰক্লাছ বলিং কৰিছে কুলদীপে । তেওঁ হেড-ডাউন বিভিন্ন ধৰণৰ গ্ৰাউণ্ডেড বলিঙৰ বাবে জনাজাত যি সকলো শ্ৰেণীৰ বেটছমেনৰ বাবে মূৰৰ কামোৰণি হৈ আহিছে । ইংলেণ্ডৰ বিৰুদ্ধে তেওঁৰ ৩ টা উইকেটে ডিফেণ্ডিং চেম্পিয়নক ধ্বংস কৰাত বহুখিনি অৱদান আগবঢ়াইছে । বাৰ্বাডোছত তেওঁ আফগানিস্তানৰ বিৰুদ্ধে ৩২ ৰাণ দি ২ টা উইকেট দখল কৰিছিল ।
অক্ষৰ পেটেল : অক্ষৰে ছেমি ফাইনেলত ইংলেণ্ডৰ বিৰুদ্ধে ৩ অভাৰত ৩ টা উইকেট দখল কৰি ভাৰতীয় বলিং আক্ৰমণৰ নেতৃত্ব দিছিল আৰু প্ৰথমটো বলতে অধিনায়ক জছ বাটলাৰক আউট কৰিছিল । অক্ষৰ এগৰাকী উদীয়মান খেলুৱৈ ৷ কেনিংটনৰ পিটছ স্পিনাৰসকলৰ সহায়ক নহয় যদিও পেটেল আৰু কুলদীপে তাত ৰাজত্ব কৰা দেখিবলৈ পোৱা গৈছিল ৷
