শীতকালৰ আগমণ ঘটে লাহে লাহে ঠাণ্ডাৰ অনুভৱ হয় আৰু ইয়াৰ লগতে বিভিন্ন ৰোগৰো আগমণ ঘটে ৷ ইয়াৰ ভিতৰত অন্যতম হৈছে গাৰ বিষ ৷ এই দিনকেইটাত শৰীৰ গৰম ৰখা আৰু গাঁঠিৰ বিষৰ পৰা সকাহ পোৱাটো অতি গুৰুত্বপূৰ্ণ ৷ এই সমস্যাৰ পৰা সকাহ পাবলৈ বহুতেই বহু ধৰণৰ উপায় তথা ঔষধ গ্ৰহণ কৰে যদিও কোনো সুফল লাভ কৰিবলৈ সক্ষম নহয় ৷ কিন্তু এবিধ বিশেষ লাৰু খাই ঠাণ্ডাৰ দিনকেইটাত নিজকে বিষৰ পৰা আঁতৰাই ৰাখিব পাৰে ৷ হয়, আগৰ দিনৰ লোকসকলে ঠাণ্ডাৰ দিনত সুস্থ হৈ থাকিবলৈ ঘৰতে এই লাৰু প্ৰস্তুত কৰি খাইছিল ৷
এই লাৰু মেথিৰে তৈয়াৰ কৰা হয় ৷ ইয়াৰ বাবে আপোনাক প্ৰয়োজন হ’ব-
৩-৪ কাপ মেথিৰ গুটি
৫০০ গ্ৰাম গুড়
১ কাপ গ্ৰাম ময়দা
১ কাপ আটা
১ কাপ দেশী ঘিউ
২ চাহ চামুচ শুকান আদা
১/২ কাপ কাজু বাদাম
১/২ শণৰ গুটি
১/২ কাপ ৱালনাট
১/২ কাপ কাঠবাদাম
৬-৭টা সেউজীয়া ইলাচী
তৈয়াৰৰ পদ্ধতি
মেথি গুটিখিনি ভালদৰে ধুই ২ কাপ গাখীৰত তিয়াই ল'ব ৷ যদি আপুনি বিচাৰে আপুনি ইয়াক গুৰি কৰিও ল'ব পাৰে ৷এতিয়া এটা পেনত অলপ ঘিউ দি তাত কাঠবাদাম, কাজু, শণৰ গুটি আৰু আখৰোটখিনি কম জুইত ভাজি লওক ৷ ইয়াৰ পিছত তাত ময়দা আৰু আটা দি কম জুইত ভালদৰে ভাজক, যাতে ই আঠা লাগি নধৰে ৷ এতিয়া বাকী থকা ঘিউত মেথি গুটি দি সেইখিনিও ভাজি ল'ব ৷ যেতিয়া মেথি গুটি খিনিয়ে ঘিউ এৰিবলৈ আৰম্ভ কৰে, তাত আদা গুৰি দি ভালকৈ ভাজিব ৷ সোণালী ৰঙৰ হ'লে গেছটো বন্ধ কৰি দিব ৷ইয়াৰ পাছত এটা কেৰাহীত এক চামুচ ঘিউ আৰু গুড়খিনি দিব ৷ গুৰখিনি গলিবলৈ আপুনি এক চামুচ পানী যোগ দিব পাৰে ৷ গুড় গলি যোৱাৰ পিছত সকলেখনি মিহলি কৰিব ৷ ই সামান্য ঠাণ্ডা হ'লে সকলো উপাদান আকৌ হাতেৰে ভালদৰে মিহলি কৰি লাৰু তৈয়াৰ কৰিব ৷
এই লাৰু খোৱাৰ লাভালাভ
এই বিশেষ লাৰুৱে শৰীৰ গৰম ৰাখে আৰু গাঁঠিৰ বিষৰ পৰা সকাহ দিয়ে ৷ শীতকালত সদায় ৰাতিপুৱা গাখীৰৰ সৈতে এই লাৰু খালে শৰীৰে শক্তি লাভ কৰাৰ লগতে সকলো বিষ হ্ৰাস কৰিব ৷
