ঘিউ নে সৰিয়হৰ তেল ? খাদ্য ৰান্ধিবৰ বাবে কোনবিধ উত্তম

খাদ্য ৰান্ধিবৰ বাবে আমি ঘিঁউ আৰু সৰিয়হৰ তেলৰ ব্যৱহাৰ কৰোঁ ৷ কিন্তু এই দুয়োটাৰ ভিতৰত কোনবিধ আমাৰ স্বাস্থ্যৰ বাবে কোনবিধ উপকাৰী আজি জানো আহক-

Desi Ghee or Mustard Oil for Cooking:অসমীয়া ৰন্ধন প্ৰণালীত প্ৰায়ে ঘিঁউ আৰু সৰিয়হৰ তেল ব্যৱহাৰ কৰা হয় ৷ বিশেষকৈ শাক-পাচলিৰ আঞ্জা ৰন্ধাৰ সময়ত সৰিয়হৰ তেল প্ৰায়ে ব্যৱহাৰ কৰা হয় ৷ ঘিঁউ আৰু সৰিয়হ তেল দুয়োটাৰে পুষ্টি আৰু উপকাৰিতা গুণ বেলেগ বেলেগ ৷ সৰিয়হ তেল আৰু ঘিঁউ দুয়োটা ব্যৱহাৰৰ পদ্ধতিও অলপ বেলেগ ৷ জানোঁ আহক ঘিঁউ আৰু সৰিয়হৰ তেলৰ ভিতৰত কোনটো বেছি উপকাৰী ?

ঘিঁউৰ উপকাৰিতা

হজম শক্তিৰ বাবে উপকাৰী: ঘিঁউ ব্যৱহাৰ কৰিলে পাচনতন্ত্ৰ ভাল হৈ থাকে বুলি কোৱা হয় ৷ ই অন্ত্ৰত ভাল বেক্টেৰিয়াৰ বৃদ্ধি কৰে, যাৰ ফলত পেট পৰিষ্কাৰ কৰি ৰাখে আৰু কোষ্ঠকাঠিন্যৰ পৰা সকাহ দিয়ে ৷

ছাল আৰু চুলিৰ স্বাস্থ্য: ঘিঁউ লগালে আৰু খালে ছালৰ আৰ্দ্ৰতা ধৰি ৰাখে ৷ ই ছালখন চিকচিকিয়া কৰি তোলে ৷ ইয়াৰ উপৰিও ঘিঁউ চুলিৰ বাবেও উপকাৰী, কাৰণ ই চুলিক পুষ্টি প্ৰদান কৰাৰ লগতে কোমল কৰি ৰখাত সহায় কৰে ৷

ভিটামিনৰ ভাল উৎস: ঘিঁউত ভিটামিন এ, ডি, ই আৰু কে আদি গুৰুত্বপূৰ্ণ পুষ্টিকৰ উপাদান থাকে, যিবোৰ শৰীৰৰ বাবে অপৰিহাৰ্য ৷ যেনে হাড় শক্তিশালী কৰা আৰু ৰোগ প্ৰতিৰোধ ক্ষমতা বৃদ্ধি কৰাত ঘিউ অতি উপকাৰী ৷

স্মৃতিশক্তি আৰু মগজুৰ বাবে ভাল: ঘিঁউ মগজুৰ বাবে এক উৎকৃষ্ট খাদ্য ৷ ইয়াৰ কাৰণ ইয়াত ওমেগা-৩ ফেটি এচিড থাকে, যিয়ে মগজুৰ ক্ষমতা বৃদ্ধি কৰে আৰু স্মৃতিশক্তি বৃদ্ধি কৰে ৷

সৰিয়হ তেলৰ উপকাৰিতা

হৃদযন্ত্ৰৰ স্বাস্থ্যৰ বাবে উপকাৰী:সৰিয়হৰ তেলত প্ৰচুৰ পৰিমাণে মনোঅনচেচুৰেটেড আৰু পলিঅনচেচুৰেটেড ফেট থাকে, যিয়ে কলেষ্টেৰল নিয়ন্ত্ৰণ কৰে আৰু হৃদযন্ত্ৰৰ স্বাস্থ্য উন্নত কৰে ৷

প্ৰদাহ কমায়:সৰিয়হৰ তেলত প্ৰদাহ নিবাৰণকাৰী গুণ থাকে, যিয়ে শৰীৰৰ প্ৰদাহ কমোৱাত সহায় কৰে ৷ বাতবিষৰ দৰে সমস্যাৰ সৈতে লগত জড়িত ৰোগৰ পৰা সকাহ দিয়াতো ই উপযোগী ৷

সমৃদ্ধ এন্টিঅক্সিডেন্ট: সৰিয়হৰ তেলত প্ৰচুৰ পৰিমাণে এন্টিঅক্সিডেন্ট থাকে, যিয়ে শৰীৰৰ ফ্ৰী ৰেডিকেলৰ বিৰুদ্ধে যুঁজ দিয়ে আৰু বয়স বৃদ্ধিৰ প্ৰক্ৰিয়া লেহেমীয়া কৰে ৷

যদি আপুনি আপোনাৰ হৃদযন্ত্ৰ আৰু ৰক্তচাপ নিয়ন্ত্ৰণ কৰিব বিচাৰে তেন্তে সৰিয়হৰ তেল এটা উত্তম বিকল্প হ’ব পাৰে ৷ একে সময়তে যদি আপুনি মগজু, হজম শক্তি আৰু ছালক পুষ্টি দিব বিচাৰে তেন্তে ঘিঁউ খাব পাৰে ৷

(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

লগতে পঢ়ক