বৃশ্চিক ৰাশি: কৰ্ম, ধন, প্ৰেম, স্বাস্থ্যৰ ক্ষেত্ৰত কেনে যাব আপোনাৰ ২০২৫ বৰ্ষ

২০২৫ বৰ্ষটো বৃশ্চিক ৰাশিৰ জাতক-জাতিকাসকলৰ কৰ্ম, ধন, প্ৰেম, স্বাস্থ্যৰ ক্ষেত্ৰত কেনে যাব ? এই সন্দৰ্ভত জনালে জ্যোতিষ শাস্ত্ৰবিদ ড৹ নয়নমণি দেৱ শৰ্মাই-

২০২৫ বৰ্ষত বৃশ্চিক ৰাশিৰ জাতক-জাতিকা সকলৰ ৰাশিত অৰ্থাৎ লগ্নত বুধ, দ্বিতীয়ত ৰবি, তৃতীয়ত চন্দ্ৰ, চতুৰ্থত শুক্ৰ আৰু শনি, পঞ্চমত ৰাহু, সপ্তমত বৃহস্পতি, নৱমত মংগল আৰু একাদশ কেতু গ্ৰহ অৱস্থান কৰি শুভফল নিৰূপণ কৰিছে ৷

২০২৫ বৰ্ষত কৰ্মৰ ক্ষেত্ৰত বৃশ্চিক ৰাশিৰ বাবে কেনে হ'ব ?

২০২৫ বৰ্ষত বৃশ্চিক ৰাশিৰ জাতক-জাতিকা সকলৰ কৰ্মস্থানৰ অধিপতি ৰবি ধনপতি হৈ বহি আছে আৰু তেওঁলোকৰ কৰ্মস্থানলৈ শুক্ৰ গ্ৰহৰ পূৰ্ণ দৃষ্টি থকাৰ ফলত কৰ্মস্থানটি বিশেষ শুভ কৰি তুলিছে ৷ এই বৰ্ষত এই ৰাশিৰ লোক সকলে কৰ্মস্থান খুব শুভ হ'ব ৷ কৰ্মত জৰিয়তে অধিক ধনলাভৰ যোগ আছে ৷ লগতে ভ্ৰমণৰ যোগ আছে, সমাজকৰ্মী সকলৰ সামাজিক কৰ্মত ব্যস্ততা তথা প্ৰভাৱ বৃদ্ধি হ'ব ৷ ৰাজনৈতিক ভাৱে জড়িত ব্যক্তি সকলৰ ৰাজনৈতিক সফলতা লাভ কৰিবলৈ সক্ষম হ'ব ৷ পদোন্নতি বিচাৰি থকা সকলৰ পদোন্নতি হোৱাৰ যথেষ্ট সম্ভাৱনা আছে ৷ নতুন নতুন কৰ্মৰ সন্ধান লাভ কৰিব ৷ নিবনুৱা সকলৰ বাবেও আহি থকা বছৰটো খুব ভাল বুলি ক'ব পাৰি ৷ চৰকাৰী চাকৰি বিচাৰি থকা সকলৰ বাবেও এই বৰ্ষত ভাল হ'ব ৷

২০২৫ বৰ্ষত ধন আৰু ব্যৱসায় ক্ষেত্ৰত বৃশ্চিক ৰাশিৰ বাবে কেনে হ'ব ?

২০২৫ বৰ্ষত বৃশ্চিক ৰাশিৰ জাতক-জাতিকাসকলৰ ক্ষেত্ৰত ধনস্থানতটো খুব শুভ ৷ ব্যৱসায়ত সফলতা লাভ নকৰা ব্যক্তিসকলে ব্যৱসায়ত সফলতা লাভ কৰিব ৷ কাপোৰ, যান-বাহন, পৰ্যটন, সংগীত শিল্পী, পূজাৰ সামগ্ৰীৰ ব্যৱসায়ী, ঠিকাদাৰ, হোটেল-ৰেষ্টুৰেণ্ট, বিউটি পাৰ্লাৰ, চেলুন, ঔষধআদিৰ লগত জড়িত হৈ আছে তেওঁলোকৰ বাবেও আহি থকা বছৰটো শুভ বুলি কব পাৰি ৷

২০২৫ বৰ্ষত স্বাস্থ্যৰ ক্ষেত্ৰত বৃশ্চিক ৰাশিৰ বাবে কেনে হ'ব ?

চলিত বৰ্ষত বৃশ্চিক ৰাশিৰ জাতক-জাতিকা সকলে স্বাস্থ্যৰ ক্ষেত্ৰত শুভ বুলি ক’ব পাৰি ৷ স্বাস্থ্যৰ উন্নতি হ'ব ৷ ৰোগ আৰোগ্য হ'ব ৷ পুৰণি ৰোগবোৰ নাইকিয়া হ'ব ৷ শৰীৰক -মানসিক দুয়োটা দিশতে শুভ বুলি ক'ব পাৰি ৷

২০২৫ বৰ্ষত প্ৰেম-বিবাহৰ ক্ষেত্ৰত বৃশ্চিক ৰাশিৰ বাবে কেনে হ'ব ?

২০২৫ বৰ্ষত প্ৰেম-বিবাহৰ ক্ষেত্ৰত বৃশ্চিক ৰাশিৰ জাতক-জাতিকা সকলৰ খুব শুভ বুলি কব পাৰি ৷ বিবাহৰ যোগ আছে ৷

২০২৫ বৰ্ষত বিদ্যাৰ ক্ষেত্ৰত বৃশ্চিক ৰাশিৰ বাবে কেনে হ'ব ?

২০২৫ বৰ্ষত বিদ্যাৰ ক্ষেত্ৰত বৃশ্চিক ৰাশিৰ জাতক-জাতিকা সকলৰ বাবে শুভ বুলি ক'ব পাৰি ৷ চতুৰ্থত শনি আৰু শুক্ৰ আৰু পঞ্চমত ৰাহু গ্ৰহ অৱস্থান কৰি বিদ্যাৰ দিশটো খুৱ শুভ কৰি তুলিছে ৷ ছাত্ৰ-ছাত্ৰীসকলে পৰীক্ষাত শুভ ফল লাভ কৰিব পাৰিব ৷ বিদেশত অধ্যয়ন কৰিব বিচৰা সকলে বিদেশত অধ্যয়ন কৰিব পাৰিব ৷ বাহিৰত অধ্যয়ন কৰিবলৈও সুযোগ-সুবিধা লাভ কৰিব ৷ সংগীতৰ লগত জড়িত হৈ থকা সকলৰো খুব শুভ হ'ব ৷ এইবর্ষত এই ৰাশিৰ জাতক-জাতিকাসকলে সঞ্চয়ৰ ক্ষেত্ৰত অকমান সাৱধান হ'ব লাগিব, আৰু ধন টকা পইচা আদিৰ উপাৰ্জন কৰাৰ ক্ষেত্ৰত অকমান কষ্ট হ'ব পাৰে ৷

লগতে পঢ়ক