২০২১ চনৰ পৰা ৰাষ্ট্ৰসংঘই প্ৰতিবছৰে ৩১ আগষ্টত উদযাপন কৰি আহিছে 'আফ্ৰিকান বংশোদ্ভৱ লোকসকলৰ বাবে আন্তৰ্জাতিক দিৱস'। এই দিৱসত বিশ্বজুৰি ৰাষ্ট্ৰসমূহ একত্ৰিত হৈ তেওঁলোকৰ সামূহিক বংশ, বিভিন্ন পৰম্পৰা আৰু বিশ্বব্যাপী আফ্ৰিকান প্ৰবাসীসকলৰ ওপৰত গুৰুত্বপূৰ্ণ প্ৰভাৱ সম্পৰ্কে সজাগ কৰাই হৈছে এই দিৱসৰ উদ্দেশ্য় । এই দিনটোত বিশ্বজুৰি আফ্ৰিকান বংশোদ্ভৱ লোকসকলে সন্মুখীন হোৱা বৰ্ণবাদ, কুসংস্কাৰ আৰু প্ৰান্তিকৰণৰ প্ৰতিবন্ধকতাৰ বিষয়ে বিশ্বজুৰি চেতনা বৃদ্ধি কৰাৰ এক সুযোগ হিচাপেও কাম কৰে ।
এই দিৱসৰ আঁৰৰ ইতিহাস:
২০২০ চনত ৰাষ্ট্ৰসংঘই বিশ্বব্যাপী আফ্ৰিকাৰ লোকসকলৰ বিৰুদ্ধে বৈষম্য আৰু প্ৰান্তিকৰণৰ মোকাবিলা কৰাৰ ক্ষেত্ৰত এক বৈপ্লৱিক পৰিৱৰ্তনৰ কথা উল্লেখ কৰে । যদিও আইন আৰু প্ৰতিষ্ঠানসমূহত কিছু অগ্ৰগতি হৈছে তথাপি আফ্ৰিকাৰ লোকসকলে এতিয়াও গভীৰ বৰ্ণবাদ আৰু বৰ্জনৰ সন্মুখীন হৈছে । কোভিড-19 মহামাৰীয়ে স্পষ্ট কৰি দিছে যে আমি চলিত অসমতা আৰু বৰ্ণবাদ ঠিক কৰিব লাগিব, বিশেষকৈ স্বাস্থ্যসেৱাৰ ক্ষেত্ৰত । অৱশ্যে অধিকাৰ সম্পূৰ্ণৰূপে উপভোগ কৰাৰ মুখ্য প্ৰতিবন্ধকতা হৈছে আফ্ৰিকাৰ লোকসকলৰ অধিকাৰৰ স্বীকৃতিৰ অভাৱ ।
এই দিৱসটো প্ৰথমবাৰৰ বাবে 2021 চনত উদযাপন কৰা হয় । আফ্ৰিকান বংশোদ্ভৱসকলৰ বাবে আন্তৰ্জাতিক দশকৰ (2015-2024) মাজভাগত স্বীকৃতি,ন্যায় আৰু বিকাশক সমৰ্থন কৰাৰ বাবে প্ৰকৃত পদক্ষেপ লোৱাৰ ওপৰত গুৰুত্ব আৰোপ কৰে । ৰাষ্ট্ৰসংঘই বিশ্বব্যাপী আফ্ৰিকান প্ৰবাসীসকলৰ আশ্চৰ্যজনক কামৰ ওপৰত আলোকপাত কৰিব বিচাৰে । আফ্ৰিকান বংশোদ্ভৱসকলৰ বিৰুদ্ধে সকলো ধৰণৰ বৈষম্যৰ পৰা পৰিত্ৰাণ পাব বিচাৰে ।
২০২০ এটা গুৰুত্বপূৰ্ণ বছৰ আছিল । কিয়নো এই বৰ্ষতেই জৰ্জ ফ্লয়ডৰ হত্যাই বৰ্ণবাদৰ বিৰুদ্ধে বিশ্বব্যাপী প্ৰতিবাদৰ সৃষ্টি কৰে আৰু জাতিগত ন্যায়ৰ ওপৰত গুৰুত্বপূৰ্ণ আলোচনা কৰিছিল । মানৱ অধিকাৰ পৰিষদে আফ্ৰিকান বংশোদ্ভৱসকলক আৰক্ষীৰ উৎপীড়নৰ পৰা সুৰক্ষিত কৰাৰ বাবে এটা প্ৰস্তাৱ গৃহীত কৰে আৰু মানৱ অধিকাৰ উচ্চায়ুক্তই জাতিগত ন্যায় আৰু সমতাৰ দিশত পৰিৱৰ্তনৰ পৰিকল্পনা কৰে ।
মুখ্য সমসাময়িক মানৱ অধিকাৰৰ বিষয়সমূহ:
আফ্ৰিকান বংশোদ্ভৱ সকলৰ সাম্প্ৰতিক পৰিস্থিতি বুজি পোৱাত তেওঁলোকৰ দাসত্ব আৰু চলিত বৈষম্যৰ ইতিহাস সম্পৰ্কে ফহিয়াই চোৱাত বৈষম্য পৰিহাৰ কৰাত সহায় কৰে । আফ্ৰিকান বংশোদ্ভৱসকল বিভিন্ন পৃষ্ঠভূমি আৰু পৰিচয়ৰ সৈতে এক বৈচিত্ৰ্যপূৰ্ণ গোট । অৱশ্যে, তেওঁলোকে তেওঁলোকৰ সম্পূৰ্ণ মানৱ অধিকাৰ অস্বীকাৰ কৰা আৰু একে ধৰণৰ প্ৰত্যাহ্বানৰ সন্মুখীন হোৱাৰ উমৈহতীয়া অভিজ্ঞতা সন্দৰ্ভত জানিবলৈ সহায় কৰে। ইয়াৰ ভিতৰত আছে বৰ্ণবাদৰ সন্মুখীন হোৱা, গুৰুত্বপূৰ্ণ সিদ্ধান্তৰ পৰা বাদ পৰা, ন্যায় প্ৰণালীত পৰ্যাপ্ত প্ৰতিনিধিত্ব নথকা আৰু শিক্ষা, স্বাস্থ্যসেৱা আৰু গৃহনিৰ্মাণৰ দৰে মৌলিক প্ৰয়োজনীয়তা লাভ কৰাৰ বাবে সংগ্ৰাম কৰা ।