খাদ্য তালিকাৰ পৰা আজিয়েই বাহিৰ কৰক এইসমূহ খাদ্যক, অন্যথা হৈ পৰিব আপোনাৰ কিডনী বিকল

Worst foods for kidney health: মাৰ্চ মাহৰ দ্বিতীয় বৃহস্পতিবাৰে পালন কৰা বিশ্ব বৃক্ক দিৱসৰ উদ্দেশ্য হৈছে মানুহক বৃক্কৰ স্বাস্থ্যৰ প্ৰতি সজাগ কৰা । য’ত সময়ে সময়ে বৃক্কৰ কাৰ্য পৰীক্ষা কৰা হয় আৰু জীৱনশৈলীৰ প্ৰয়োজনীয় পৰিৱৰ্তন আৰু খাদ্যাভ্যাসৰ ওপৰত বিশেষ গুৰুত্ব দিয়াৰ পৰামৰ্শ দিয়া হয় । আজি আমি সেই খাদ্য সামগ্ৰীৰ বিষয়ে জানিব পাৰিম যিবোৰ অতিৰিক্তভাৱে সেৱন কৰিলে বৃক্কৰ ক্ষতি হ’ব পাৰে ।

আমাৰ খাদ্যাভ্যাসে আমাৰ স্বাস্থ্যৰ ওপৰত প্ৰত্যক্ষ প্ৰভাৱ পেলায় ৷ মেদবহুলতা, ডায়েবেটিছ, কলেষ্টেৰল বৃদ্ধি আদি বহুতো সমস্যা আমাৰ খাদ্যাভ্যাসৰ সৈতে প্ৰত্যক্ষভাৱে জড়িত ৷ যদি আপুনি আপোনাৰ খাদ্যাভ্যাস নিয়ন্ত্ৰণ কৰে তেন্তে বিশ্বাস কৰক আপুনি দীৰ্ঘদিনলৈ সুস্থ হৈ থাকিব পাৰে ৷ আজি অৰ্থাৎ ১৪ মাৰ্চত বিশ্ব বৃক্ক দিৱস পালন কৰা হৈছে, য'ত মানুহক বৃক্ক সুস্থ কৰি ৰখা আৰু ইয়াৰ লগত জড়িত ৰোগৰ বিষয়ে কোৱা হয় ৷ গতিকে, কেনেধৰণৰ খাদ্যাভ্যাসে বৃক্কৰ ক্ষতিৰ সম্ভাৱনা বৃদ্ধি কৰে জানো আহক-

ফাষ্ট ফুড

ব্যস্ত জীৱনশৈলী আৰু ৰন্ধা-বঢ়াত এলাহৰ সন্মুখত ফাষ্ট ফুড যেন সৰ্বোত্তম বিকল্প ৷ পিজ্জা, বাৰ্গাৰ, মোমো খালে আনন্দৰ এক বেলেগ অনুভৱ হয় ৷ যদি আপুনিও ফাষ্ট ফুড খোৱাৰ প্ৰতি আসক্ত হৈ পৰিছে, জনাই দিও যে, ইয়াৰ অত্যধিক সেৱনে মেদবহুলতা, ডায়েবেটিছ আৰু ৰক্তচাপৰ দৰে সমস্যাৰ সৃষ্টি কৰিব পাৰে আৰু লগতে বৃক্কৰ ক্ষতিও হ’ব পাৰে ৷ কাৰণ ইয়াত অতি বেছি পৰিমাণৰ ছডিয়াম থাকে আৰু ই বৃক্কৰ বাবে ক্ষতিকাৰক ৷ বৃক্কৰ সমস্যাৰ পৰা হাত সাৰিবলৈ ঘৰতে প্ৰস্তুত কৰা খাদ্যত তেল, নিমখ আৰু মছলা কমকৈ খাব লাগে আৰু ওপৰত নিমখ মিহলোৱা খাদ্য সম্পূৰ্ণৰূপে পৰিহাৰ কৰিব লাগে ৷

চ’ডা

বেচিকৈ শীতল পানীয় বা চ'ডা খোৱাটোও কিডনীৰ স্বাস্থ্যৰ বাবে উপকাৰী নহয় ৷ কাৰণ ইয়াত ফছফৰাছ পোৱা যায়, যিটো বৃক্কৰ বাবে ক্ষতিকাৰক ৷ যদি আপুনি ইতিমধ্যে বৃক্কৰ সমস্যাত ভুগি আছে, তেন্তে চ’ডা একেবাৰেই সেৱন নকৰিব ৷

বিলাহী

বিলাহীত দালিৰ পৰা আৰম্ভ কৰি শাক-পাচলি আনকি চালাডলৈকে সকলোতে ব্যৱহাৰ কৰা হয়, কিন্তু বৃক্ক সম্পৰ্কীয় সমস্যা থাকিলে ইয়াক একেবাৰেই খাব নালাগে বুলি কোৱা হয় ৷ কাৰণ বিলাহীত ভাল পৰিমাণৰ পটাছিয়াম থাকে যাৰ ফলত বৃক্ক দুৰ্বল হয় আৰু দ্বিতীয়তে, বিলাহীৰ গুটি সহজে হজম নহয় ৷ যাৰ বাবে বৃক্কই নিজৰ কাম সঠিকভাৱে কৰিবলৈ সক্ষম নহয় ৷

মৈদাৰ পাও ৰুটি

ভাৰতত বহুলোকে পাওৰুটি সেৱন কৰে ৷ ৰেষ্টুৰেন্ট আদিটো ইয়াক যথেষ্ট পৰিমানে ব্যৱহাৰ কৰা হয় কিন্তু আপোনালোকক জনাই দিও যে মৈদাৰ পৰা তৈয়াৰী ব্ৰেড বা পাওৰুটিয়ে বৃক্কৰ স্বাস্থ্যৰ ওপৰত নেতিবাচক প্ৰভাৱ পৰে বুলি জনাটো আপোনাৰ বাবে গুৰুত্বপূৰ্ণ ৷ দৰাচলতে আঁহৰ লগতে ফছফৰাছ আৰু পটাছিয়াম ৰুটিত যথেষ্ট পৰিমাণে পোৱা যায়, যাৰ ফলত বৃক্কৰ সংক্ৰমণৰ সম্ভাৱনা বৃদ্ধি পায় ৷ সেয়েহে আটা থকা ৰুটি পৰিহাৰ কৰক ৷

কমলা

কমলা ভিটামিন চিৰ এক ভঁৰাল, যিটো ছালৰ বাবেও ভাল হোৱাৰ লগতে ৰোগ প্ৰতিৰোধ ক্ষমতাও শক্তিশালী কৰে, কিন্তু ইমানবোৰ উপকাৰিতাৰ সৈতে ভৰপূৰ হোৱাৰ পিছতো এই ফল বৃক্কৰ বাবে উপকাৰী নহয় ৷ কমলাৰ সোৱাদ টেঙা হোৱাৰ বাবে বৃক্ক ৰোগীৰ কাহৰ সমস্যা হ’ব পাৰে ৷ কমলাৰ সলনি আঙুৰ, আপেল বা ক্ৰেনবেৰীৰ দৰে ফল খাদ্যত অন্তৰ্ভুক্ত কৰক ৷

লগতে পঢ়ক:ৰন্ধাৰ আগতে যদি কুকুৰাৰ মাংস ধোৱে, হ’ব পাৰে ডাঙৰ বিপদ! জানক কি সেয়া...