শাৰীৰিক সম্পৰ্ক স্থাপন কৰোতে কেতিয়াবা পুৰুষসকলে ইৰেক্টাইল ডিছফাংশন সমস্যাত ভোগা দেখা যায় ৷ শেহতীয়াকৈ এক গৱেষণাত প্ৰকাশ পাইছে যে, যেতিয়া এগৰাকী পুৰুষে তেওঁলোকৰ সংগীৰ সৈতে শাৰীৰিক সম্পৰ্ক স্থাপন কৰোতে ইৰেক্টাইল ডিছফাংশন (Erectile dysfunction)ত ভুগে, তেনেহ'লে সেইসকল পুৰুষ হৃদৰোগত আক্ৰান্ত হোৱাৰ আশংকা বৃদ্ধি হয় ।
আনহাতে পুৰুষৰ ইৰেক্টাইল ডিছফাংশনৰ (Erectile dysfunction) ফলত দম্পতীৰ মাজত উত্তেজনা কমি যোৱাৰ ফলত আৰু তেওঁলোকৰ সম্পৰ্কত তিক্ততাও আহিব পাৰে ৷
কি প্ৰকাশ হৈছিল গৱেষণাত ?
এই নতুন গৱেষণাটোৰ সমীক্ষা অ’ক্সফৰ্ড একাডেমীৰ যৌন ঔষধ জাৰ্নেলত প্ৰকাশিত হৈছে । এই গৱেষণাৰ উদ্ধৃতি দি হায়দৰাবাদৰ এপ’ল’ হাস্পতালৰ নিউৰ’লজিষ্ট ডাঃ সুধীৰ কুমাৰে তেওঁৰ ছ'চিয়েল মিডিয়া একাউণ্টত লিখে যে- সাধাৰণ পুৰুষৰ তুলনাত এনে সমস্যা থকা পুৰুষৰ মায়োকাৰ্ডিয়েল ইনফাৰ্কছন, হৃদৰোগ আৰু ষ্ট্ৰোককে ধৰি গুৰুত্বপূৰ্ণ ৰোগ হোৱাৰ আশংকা অধিক ৷
কেইগৰাকী পুৰুষৰ ওপৰত গৱেষণা কৰা হৈছিল ?
এই অধ্যয়নটোত গ্ৰাম্য আৰু নগৰীয়া অঞ্চলৰ মুঠ 4,30,621 জন পুৰুষৰ ওপৰত গৱেষণা কৰা হৈছিল । ইয়াৰ ভিতৰত, ইৰেক্টাইল ডিছফাংশনত ভুগি থকা পুৰুষসকলৰ হৃদৰোগৰ ঘটনাৰ আশংকা অধিক আছিল । ইয়াৰ অধ্যয়ন গোটসমূহ ইৰেক্টাইল ডিছফাংশন নগৰ, ইৰেক্টাইল ডিছফাংশন গ্ৰাম্য, ইৰেক্টাইল ডিছফাংশন ন’ নগৰ আৰু ইৰেক্টাইল ডিছফাংশন ন’ গ্ৰাম্য হিচাপে শ্ৰেণীবদ্ধ কৰা হৈছিল । ট্ৰেণ্ড স্কোৰ নিৰ্ধাৰণ কৰিবলৈ এক মাল্টি-লজিষ্টিক ৰিগ্ৰেছন মডেল ব্যৱহাৰ কৰা হৈছিল ।
এনে সমস্যা থাকিলে কি কৰিব লাগে ?
লগতেগৱেষণাই এইটোও কৈছে যে যদি এজন মানুহৰ ইৰেক্টাইল ডিছফাংশনৰ সমস্যা হয় তেন্তে কি কৰিব লাগে । ইৰেক্টাইল ডিচফাংশন থকা ৰোগীৰ চিকিৎসাত চিকিৎসকসকলে হৃদৰোগৰ ৰোগৰ প্ৰাথমিক আৰু গৌণ প্ৰতিৰোধৰ বাবে বিপদাশংকাৰ কাৰকবোৰৰ ওপৰত গুৰুত্ব দিব লাগিব বুলি প্ৰতিবেদনত উল্লেখ কৰা হৈছে ৷
লগতে পঢ়ক:এটা সুস্থ জীৱনৰ গৰাকী হ’বলৈ আমি কেতিয়া শোৱাটো উচিত ? - Best Time For Sleep
