পৰ্যটনৰ ক্ষেত্ৰখনত আমাৰ দেশে দিনক দিনে কিমান সফলতা লাভ গৈছে, সেয়া হয়তো পুনৰ কোৱাৰ প্ৰয়োজন নাই । ইয়াৰ প্ৰমাণ আমি নিজ চকুৰে দেখা পাইছো । শেহতীয়াকৈ সাগৰৰ তলতো পৰ্যটনৰ এক বিশেষ স্থান নিৰ্মাণ কৰিছে ভাৰত চৰকাৰে ৷ হয়, ভগৱান কৃষ্ণৰ পানীত ডুব গৈ থকা চহৰখন এতিয়া সকলো ভক্তই দৰ্শন কৰিব পাৰিব । ইয়াৰ বাবে বিশেষ ছাবমেৰিন প্ৰকল্প প্ৰস্তুত কৰা হৈছে ৷ ইয়াৰ সহায়ত ভক্তসকলে এতিয়া সাগৰৰ ৩০০ ফুট তললৈ গৈ শ্ৰীকৃষ্ণৰ এই চহৰখন প্ৰত্যক্ষ কৰিব পাৰিব । ভক্তৰ সুবিধাৰ প্ৰতি লক্ষ্য ৰাখি এই প্ৰকল্পৰ কাম পূৰ্ণগতিত চলি আছে আৰু ইয়াৰ সেৱাসমূহ এই বছৰ দেৱালীৰ সময়ত আৰম্ভ হ'ব ৷
অৱশ্যে, এতিয়ালৈকে ইয়াৰ কোনো আনুষ্ঠানিক ঘোষণা কৰা হোৱা নাই ৷ ৰাজ্য চৰকাৰে চৰকাৰী কোম্পানী 'ডক শিপইয়ৰ্ড'ৰ সৈতে বুজাবুজি চুক্তি স্বাক্ষৰ কৰিছে ৷ ইয়াৰ লগতে দ্বাৰকাত আৰৱ সাগৰত এখন কেবল দলং নিৰ্মাণ কৰা হৈছে ৷ প্ৰতিবেদন অনুসৰি, ছাবমেৰিনৰ পৰা ইয়াৰ ভ্ৰমণ প্ৰায় আঢ়ৈ ঘণ্টা হ'ব ৷ একে সময়তে ৩০ জন লোকে এই ছাবমেৰিনত বহি পানীৰ তললৈ যাব পাৰিব ৷ প্ৰতিখন আসনত খিৰিকী থাকিব ৷ অৰ্থাৎ, আসনবোৰ এটা শাৰীতে থাকিব, যাতে মানুহে সহজে সামুদ্ৰিক পৰিৱেশ উপভোগ কৰিব পাৰে ৷