নাচি নাচি দৰাৰ কাষ পালেগৈ তাপসী পন্নু: চাওক ভিডিঅ’ - taapsee pannu wedding

Taapsee Pannu wedding: তাপসী পন্নু আৰু মাথিয়াছ ব’ৱে এতিয়াও আনুষ্ঠানিকভাৱে তেওঁলোকৰ বিয়াৰ কথা ঘোষণা কৰা নাই । কিন্তু ছ’চিয়েল মিডিয়াত এটা ভিডিঅ’ ভাইৰেল হৈ পৰিছে ৷ য’ত তাপসীক বিয়াৰ পৰম্পৰাগত সাজত দেখিবলৈ পোৱা গৈছে ৷ এই ভিডিঅ’ৰ স্থান ৰাজস্থান ৷ বন্ধু আৰু পৰিয়ালবৰ্গৰ উপস্থিতিত বিবাহ সম্পন্ন হোৱা যেন অনুমান হয় ৷

চিটাৰা ডেস্ক, 4 এপ্ৰিল : অভিনেত্ৰী-প্ৰযোজক তাপসী পন্নু আৰু প্ৰেমিক মেথিয়াছ ব’ৰ বিয়াৰ বাতৰিয়ে কেবাদিনৰ পৰাও সামাজিক মাধ্যমত চৰ্চা লাভ কৰি আছে ৷ অনুৰাগীসকলেও অভিনেত্ৰীগৰাকীৰ মুখেৰে তেওঁৰ বিয়াৰ খবৰ শুনিবলৈ অধীৰ আগ্ৰেহেৰে ৰৈ আছে ৷ চৰ্চা চলি থকাৰ মাজতে কালি সামাজিক মাধ্যমত দেখা গ’ল এটা বিয়াৰ এটা ভিডিঅ’ ৷ ভিডিঅ’টো ভাইৰেল হোৱাৰ পিচতো এতিয়ালৈকে কিন্তু বিয়া সন্দৰ্ভত একো পোষ্ট দিয়া নাই তাপসীয়ে ৷

ভিডিঅ’ ক্লিপটোত তাপসীক ৰঙা সাজত দেখিবলৈ পোৱা গৈছে ৷ ৰাস্তাৰ পৰা নাচি নাচি দৰা মেথিয়াছ ব’ৰ কাষ পাইগৈ আৰু দুয়োৱে দুয়োকে আলিংগনেৰে মৰম যাচে ৷ যদিও তাপসী-মেথিয়াছৰ বিয়াৰ বিষয়ে উৰাবাতৰি চলি আছিল ৷ কিন্তু ভিডিঅ'টো লিক নোহোৱালৈকে অনুৰাগীয়ে তেওঁলোকৰ বিবাহ উৎসৱৰ একো আভাস পোৱা নাছিল ।

পৰম্পৰাগত ৰঙা সাজেৰে উজ্জ্বল ৰূপেৰে অনুষ্ঠানস্থলীত আনন্দেৰে নৃত্য কৰি প্ৰৱেশ কৰে তাপসীয়ে ৷ আনহাতে মেথিয়াছে ভিডিঅ’টোৰ শেষৰ ফালে এখন চাইকেল চলোৱা পৰিলক্ষিত হয় । ৰঙা উজ্জল পোচাকৰ সৈতে ৰঙীন চূড়া, কলীৰা আৰু ছানগ্লাচ পৰিধান কৰি পৰম্পৰাগত সংগীতত নাচি নাচি তাপসীয়ে গ্ৰেণ্ড এণ্ট্ৰি মাৰে বিবাহস্থলীত ৷

আনহাতে দৰা মেথিয়াছক দেখা গ’ল আইভৰী শ্বেৰৱানীত৷ উষ্ম আলিংগন যাচি দুয়োৱে দুয়োকে বৰমালা পিন্ধায় ৷ বৰমালা পিন্ধোৱাৰ সময়ত চাৰিওফালৰ পৰা গোলাপৰ পাহিৰ বৰষুণ হোৱা দেখিবলৈ পোৱা গৈছে ফুটেজটোত ৷ বিয়াখনক অনুষ্টুপীয়া কৰি ৰখাৰ সিদ্ধান্ত তেওঁলোকৰ ব্যক্তিগত ৷

চেলেব্ৰিটীৰ মৰ্যাদা থকাৰ পিচতো তাপসী আৰু মেথিয়াছে সংবাদ মাধ্যমৰ পৰা আঁতৰি পৰিয়াল আৰু বন্ধু বৰ্গৰ সৈতে তেওঁলোকৰ বিশেষ দিনটো অন্তৰংগভাৱে উদযাপন কৰে ৷

লগতে পঢ়ক :কিমান কম মূল্যৰ শাৰী পিন্ধিব পাৰে এগৰাকী অভিনেত্ৰীয়ে ? - Adah Sharma Saree Price