চিটাৰা ডেস্ক, 2 জুন : অনন্ত আম্বানী আৰু ৰাধিকা মাৰ্চেণ্টৰ বিবাহৰ পূৰ্বৰ উৎসৱ আৰম্ভ হৈছে ৷ যাৰ ছবি আৰু ভিডিঅ’ ভাইৰেল হৈছে ছ’চিয়েল মিডিয়াত ৷ খবৰ অনুসৰি বলীউডৰ তাৰকা ৰণবীৰ সিং, বীৰ পাহাৰিয়া, গুৰু ৰন্ধাৱাই এই পাৰ্টিত অংশগ্ৰহণ কৰিছে ৷ গায়ক গুৰু ৰান্ধৱাই তেওঁৰ হিট গীতেৰে অনন্ত-ৰাধিকাৰ প্ৰি-ৱেডিং ক্ৰুজ পাৰ্টীত আৰু অধিক মনোৰঞ্জন যোগ দিয়ে ৷
গুৰু ৰন্ধাৱাৰ গীতত নৃত্য কৰে ৰণবীৰ সিঙে
ছ’চিয়েল মিডিয়াত ভাইৰেল ভিডিঅ’টোত বলীউডৰ এনাৰ্জি মেন ৰণবীৰ সিঙে গুৰু ৰন্ধাৱাৰ ‘মৌৰ্নি বানকে’ গীতত জোৰদাৰভাৱে নৃত্য কৰা দেখিবলৈ পোৱা যায় ৷ ফেন পেজত শ্বেয়াৰ কৰা ভিডিঅ’টোত ৰণবীৰ সিং, অৰি আৰু বীৰ পাহৰিয়াই নৃত্য কৰি থকাৰ সময়তে গুৰু ৰন্ধৱাই তেওঁৰ হিট গীতটিত কণ্ঠদান কৰে দেখা গৈছে ৷ সম্পূৰ্ণ ক’লা ৰঙৰ সাজ-পোছাক পৰিধান কৰা দেখা গ’ল ৰণবীৰক ৷ তেওঁৰ অনুৰাগীসকলে এই ভিডিঅ'টো খুবেই পচন্দ কৰিছে আৰু সামাজিক মাধ্যমত বিভিন্ন কমেন্টেৰে উপচাই তুলিছে ৷
অনন্ত আম্বানী আৰু ৰাধিকা মাৰ্চেণ্টৰ বিয়ালৈ এতিয়াও এমাহতকৈও অধিক সময় বাকী আছে যদিও মাৰ্চ মাহৰ পৰাই ইয়াৰ উদযাপন আৰম্ভ হৈছিল ৷ তেওঁলোকৰ প্ৰথম প্ৰি-ৱেডিঙৰ অনুষ্ঠান গুজৰাটৰ জামনগৰত আয়োজন কৰা হৈছিল যি সমগ্ৰ দেশতে বিখ্যাত হৈ পৰিছিল ৷ এই অনুষ্ঠানত বলীউডৰ সকলো চেলিব্ৰিটিয়ে অংশগ্ৰহণ এই আনন্দ আৰু দুগুণ বৃদ্ধি কৰে ৷