চিটাৰা ডেস্ক, 2 মে’: বলীডউৰ এটি জনপ্ৰিয় দম্পত্তি হৈছে ধৰ্মেন্দ্ৰ-হেমা মালিনী ৷ শ্বোলে, ড্ৰিম গাৰ্ল, সীতা-গীতাৰ দৰে জনপ্ৰিয় ছবিত অভিনয় কৰা হেমা-ধৰ্মেন্দ্ৰই 1980 (২ মে’)চনৰ আজিৰ দিনটোতে সাত জনমৰ বাবে বান্ধ খাই পৰিছিল ৷ আজি তেওঁলোকৰ বিবাহৰ 44 বছৰ সম্পূৰ্ণ হ’ল ৷
বৰ্তমানৰ যুৱ প্ৰজন্মৰ অনুৰাগীসকলেও তেওঁলোকৰ যোৰাটো খুবেই ভাল পায় ৷ এই উপলক্ষে ‘ড্ৰিম গাৰ্লে ছ’চিয়েল মিডিয়াত ফেন ক্লাবে নিৰ্মাণ কৰা এটা ভিডিঅ’ শ্বেয়াৰ কৰিছে, য’ত এই দম্পতীৰ বহু স্মৰণীয় মুহূৰ্ত প্ৰদৰ্শন কৰা হৈছে ৷
বৃহস্পতিবাৰে হেমা মালিনীয়ে নিজৰ অফিচিয়েল ইনষ্টাগ্ৰামত এজন অনুৰাগীৰ ভিডিঅ’ শ্বেয়াৰ কৰি এটা সুন্দৰ টোকা সংলগ্ন কৰে ৷ কেপচনত তেওঁ লিখিছে, ‘আজি আমাৰ বিবাহ বাৰ্ষিকী ৷ ৪৪ বছৰীয়া একেলগে থকা, ২ গৰাকী ধুনীয়া ছোৱালী, মৰমলগা ল'ৰা-ছোৱালী আমাৰ চাৰিওফালে আৰু তেওঁলোকৰ মৰমেৰে আমাক বান্ধি ৰাখিছে ৷ আমাৰ অনুৰাগী আৰু তেওঁলোকৰ প্ৰাৰ্থনা ৷ জীৱনৰ পৰা আৰু কি লাগে ? এই সুখৰ উপহাৰৰ বাবে সৰ্বশক্তিমান দেৱৰ প্ৰতি আমাৰ চিৰকৃতজ্ঞতা ৷ এজন অনুৰাগীয়ে বনোৱা ভিডিঅ' ৷