চিটাৰা ডেস্ক, ১১ ফেব্ৰুৱাৰী:উৎকৃষ্ট অভিনয়, আদৰ্শবান চৰিত্ৰ আৰু সু-ব্যক্তিত্বৰ বাবে অনুৰাগীৰ হৃদয়ত বিশেষ স্থান দখল কৰে কিছু তাৰকাই ৷ তেনে কিছু তাৰকাৰ ভিতৰত অন্যতম হৈছে অভিনেতা কাৰ্তিক আৰিয়ান । কাৰ্তিক আৰিয়ানৰ অনুৰাগীয়ে তেওঁক খুব ভাল পায় আৰু অভিনেতাজনক এবাৰ ওচৰৰ পৰা চাবলৈ বহু অনুৰাগীৰ হেঁপাহ ৷ শেহতীয়াকৈ তেনেকুৱাই কিবা এটা হৈছে, যিটো প্ৰতিগৰাকী অনুৰাগী আৰু অভিনেতাৰ বাবে এক সপোনৰ দৰে ।
আচলতে কাৰ্তিকক লগ কৰিবলৈ ঝাঁচী পৰা এজন অনুৰাগীয়ে চাইকেল চলাই মুম্বাইলৈ উপস্থিত হৈছে । হয়, বিশ্বাস কৰিবলৈ নিশ্চয় টান হৈছে ৷ কিন্তু এয়া সঁচা ৷ ইয়াৰ পৰাই আপুনি অনুমান কৰিব পাৰিব যে কাৰ্তিকক অনুৰাগীয়ে কিমান ভাল পায় ৷ এতিয়া সেই বিশেষ অনুৰাগীজনৰ সৈতে অভিনেতাগৰাকীৰ ভিডিঅ’ ছ’চিয়েল মিডিয়াত ভাইৰেল হৈ পৰিছে ।
চাইকেল চলাই মুম্বাই পালেহি কাৰ্তিকৰ এজন অনুৰাগী
তাৰকাসকলে জীৱনত যিমানেই ব্যস্ত নাথাকক কিয়, তথাপিও তেওঁলোকে নিজৰ অনুৰাগীক লগ কৰিবলৈ ব্যস্ত সময়ৰ পৰাও সময় উলিয়ায় ৷ কাৰণ অভিনেতাক এজন তাৰকা বনোৱাত বৃহৎ হাত থাকে অনুৰাগীৰ ৷ সেয়াহে, অনুৰাগীৰ মৰমৰ শলাগ লয় বহু তাৰকাই ৷ শেহতীয়া কাৰ্তিক আৰিয়ানক লগ কৰিবলৈ ঝাঁচীৰ পৰা ১২০০ কিলোমিটাৰ যাত্ৰা কৰি মুম্বাইলৈ আহিছিল এজন বিশেষ অনুৰাগী । সপোনৰ চহৰ পোৱাৰ লগে লগে সৌভাগ্যক্ৰমে কাৰ্তিকক লগ পোৱাৰ সুযোগ লাভ কৰে অনুৰাগীজনে ৷ কেৱল লগ পোৱাই নহয়, কাৰ্তিকৰ সৈতে বহু সময় কথাও পাতে অনুৰাগীজনে ৷