প্ৰধানমন্ত্ৰী নৰেন্দ্ৰ মোদীয়ে ৰাষ্ট্ৰপতিৰ ভাষণৰ ধন্যবাদ প্ৰস্তাৱক লৈ দিয়া বক্তব্যৰ পাচতে ৰাজ্যসভাৰ অধিৱেশন স্থগিত ৰখা হয় ।
উচ্চ সদনত ৰাষ্ট্ৰপতিৰ ভাষণত ধন্যবাদসূচক প্ৰস্তাৱ গৃহীত, ৰাজ্যসভা অনিৰ্দিষ্টকাললৈ স্থগিত - Rajya Sabha Proceedings Live
১৮ সংখ্যক লোকসভাৰ প্ৰথম অধিৱেশন (ETV BHARAT ASSAM)
Published : Jul 3, 2024, 12:03 PM IST
|Updated : Jul 3, 2024, 2:00 PM IST
নিউজ ডেস্ক, ৩ জুলাই: ১৮ সংখ্যক লোকসভাৰ প্ৰথম অধিৱেশনৰ অষ্টম দিনত প্ৰধানমন্ত্ৰী নৰেন্দ্ৰ মোদীয়ে সদনক সম্বোধন কৰিছে । মঙলবাৰে লোকসভাত ভাষণৰ সময়ত মোদীয়ে কয় যে প্ৰতিটো মাপকাঠীত ভোটাৰৰ দ্বাৰা পৰীক্ষা হোৱাৰ পাচত তেওঁৰ দলে পুনৰ কাৰ্যভাৰ লাভ কৰিছে । লগতে তেওঁ কয় যে এন ডি এৰ ১০ বছৰৰ ট্ৰেক ৰেকৰ্ড মানুহে দেখিছে ।
প্ৰধানমন্ত্ৰীয়ে ছাত্ৰ-ছাত্ৰীসকলক আশ্বাস দিয়ে যে তেওঁৰ চৰকাৰে যুদ্ধৰ ভিত্তিত’ প্ৰশ্নকাকত ফাদিলৰ কাণ্ড ৰোধ কৰিবলৈ প্ৰতিশ্ৰুতিবদ্ধ । ৰাষ্ট্ৰপতিৰ ভাষণত ধন্যবাদ প্ৰস্তাৱৰ প্ৰস্তাৱ গৃহীত কৰাৰ পিচতে লোকসভাৰ কাম-কাজ অনিৰ্দিষ্ট কাললৈ স্থগিত ৰখা হয় ।
শেহতীয়াকৈ পৰীক্ষাৰ প্ৰশ্নকাকত ফাদিল হোৱাক লৈ ৰাজ্যসভাত বিৰোধী দলৰ সদস্যই চৰকাৰক ঘেৰাও কৰে । NEET প্ৰশ্নকাকত ফাদিল আৰু ৰাষ্ট্ৰীয় পৰীক্ষণ সংস্থা (NTA)ৰ সৈতে জড়িত অন্যান্য বিতৰ্কৰ উপৰিও উচ্চ সদনৰ আলোচনাৰ সময়ত ৰে’ল দুৰ্ঘটনা আৰু কৃষকৰ কল্যাণৰ বিষয়টোও উত্থাপন কৰা হয় ।
LIVE FEED
ৰাজ্যসভা অনিৰ্দিষ্টকাললৈ স্থগিত
দুৰ্নীতি মুক্ত দেশৰ গঢ়ি তুলিবলৈ মই কাম কৰিছো
প্ৰধানমন্ত্ৰী মোদীয়ে কয় যে মোৰ বাবে দুৰ্নীতিৰ বিৰুদ্ধে যুঁজখন নিৰ্বাচনী জয় বা পৰাজয়ৰ পৰিমাপ নহয় । মই নিৰ্বাচনত জয়ী বা পৰাজিত হ’বলৈ দুৰ্নীতিৰ বিৰুদ্ধে যুঁজ দিয়া নাই । এইটোৱেই মোৰ মিছন, মোৰ দৃঢ় বিশ্বাস । এই দেশখনক দুৰ্নীতিৰ পৰা মুক্ত কৰিবলৈ আৰু সাধাৰণ মানুহৰ মনত দুৰ্নীতিৰ বিৰুদ্ধে ঘৃণা গঢ়ি তুলিবলৈ সম্পূৰ্ণ হৃদয়েৰে কাম কৰি আছো ।
মণিপুৰ সমস্যা সমাধানৰ দিশত চৰকাৰে কাম কৰি আছে
প্ৰধানমন্ত্ৰী মোদীয়ে কয়, "যোৱা ৫ বছৰত আমি উত্তৰ-পূব অঞ্চলত যিমান কাম কৰিছো, কংগ্ৰেছে ২০ বছৰ সময় লাগিলহেঁতেন ।" প্ৰধানমন্ত্ৰী মোদীয়ে লগতে কয়, ‘মণিপুৰ সমস্যা সমাধানৰ দিশত চৰকাৰে অক্লান্তভাৱে কাম কৰি আছে । হিংসাৰ ঘটনা কমি আহিছে, ৫০০ৰো অধিক লোকক গ্ৰেপ্তাৰ কৰা হৈছে । স্কুল-কলেজবোৰ স্বাভাৱিকভাৱে চলি আছে ৷ কংগ্ৰেছৰ শাসনত উত্তৰ-পূব ৰাজ্যত ১০ বাৰ ৰাষ্ট্ৰপতি শাসন জাপি দিয়া হৈছিল বুলি প্ৰধানমন্ত্ৰীয়ে কংগ্ৰেছক সমালোচনা কৰে । গৃহমন্ত্ৰীগৰাকী কেইবাবাৰো মণিপুৰত গৈ বাহৰ পাতিছিল । তেওঁ শান্তিপূৰ্ণ সিদ্ধান্ত উপনীত হোৱাৰ বাবে সঘনাই ৰাজ্যখনলৈ গৈ বিভিন্ন গোটৰ লগত কথা পাতিছে । মণিপুৰক লৈ চিন্তিত ৰাজ্য আৰু কেন্দ্ৰ ।” প্ৰধানমন্ত্ৰীয়ে কয় ৷
ইডিৰ কাৰ্যক লৈ কংগ্ৰেছৰ প্ৰশ্ন উত্থাপন কৰাৰ অধিকাৰ নাই
মিত্ৰশক্তিৰ কষ্টত নগদ ধন লাভ কৰিবলৈ ওলাইছে পৰজীৱী কংগ্ৰেছ, কয় মোদীয়ে
প্ৰধানমন্ত্ৰী নৰেন্দ্ৰ মোদীয়ে কয় যে কংগ্ৰেছ এটা পৰজীৱী আৰু ই আন দলৰ কান্ধত উঠিবলৈ চেষ্টা কৰিছে । "কংগ্ৰেছ আনৰ সুবিধা ল'বলৈ চেষ্টা কৰা পৰজীৱী হিচাপে কুখ্যাত হৈ পৰিছে । এতিয়া দুৰ্নীতিগ্ৰস্ত কংগ্ৰেছে অভিযোগ কৰিছে যে ইডিয়ে দাগী ৰাজনীতিবিদক লক্ষ্য কৰি লৈছে", মোদীয়ে কয় । তেওঁ লগতে কয়, "মই দুমুখীয়া কংগ্ৰেছৰ পৰা উত্তৰ বিচাৰিছো যে তেওঁলোকে কেনেকৈ ইমান নিৰ্লজ্জ হ'ব পাৰে যে তেওঁলোকে নিজৰ সদিচ্ছাৰে নিৰ্বাচনত যুঁজ দিয়াৰ প্ৰতিশ্ৰুতি দিওঁতে নিজৰ মিত্ৰসকলক লক্ষ্য কৰি লৈছে । এইটো হাস্যকৰ। কংগ্ৰেছৰ মুখা খহি গৈছে । তেওঁলোকে ইডিৰ কাৰ্যক লৈ প্ৰশ্ন উত্থাপন কৰাৰ কোনো অধিকাৰ নাই ।"
দলিত অধিকাৰক লৈ বিৰোধীক আক্ৰমণ প্ৰধানমন্ত্ৰীৰ
ৰাজ্যসভাত প্ৰধানমন্ত্ৰী মোদীয়ে কয়, ‘প্ৰতিবাৰেই কিবা এটা ভুল হ’লে দলিত আৰু পিছপৰা শ্ৰেণীৰ নেতাই তাৰ বোজা বহন কৰিবলগীয়া হয়, আনহাতে পৰিয়ালটো অক্ষত অৱস্থাত সাৰি যায় । এয়াই হৈছে কংগ্ৰেছৰ মনোভাৱ । লোকসভাৰ অধ্যক্ষ নিৰ্বাচনত পৰাজিত হ’ব বুলি তেওঁলোকে জানিছিল, যদিও তেওঁলোকে দলিত নেতাক মনোনীত কৰিছিল । ২০১৭ চনত তেওঁলোকে পৰাজিত হ’ব বুলি জানিছিল তথাপিও মীৰা কুমাৰক মনোনীত কৰিছিল । তেওঁলোকে প্ৰাক্তন ৰাষ্ট্ৰপতি ৰামনাথ কোবিন্দক অসন্মান কৰিছিল আৰু এই দেশৰ প্ৰথম দলিত মহিলা ৰাষ্ট্ৰপতিক অপমান কৰিবলৈ কোনো উজুহাত এৰা নাই ।”
১৯৭৭ চনৰ নিৰ্বাচনে সংবিধান ৰক্ষা কৰিলে
ৰাষ্ট্ৰসভাৰ ভাষণৰ ধন্যবাদৰ প্ৰস্তাৱত ৰাজ্যসভাত ভাষণ দি প্ৰধানমন্ত্ৰী মোদীয়ে কয়, "যদি এই নিৰ্বাচনে সংবিধান ৰক্ষা কৰিবলৈ আছিল, তেন্তে জাতিৰ জনসাধাৰণে আমাক ইয়াৰ বাবে বাছি লৈছিল...১৯৭৭ চনৰ নিৰ্বাচনে সংবিধান ৰক্ষা কৰিলে..."
মহিলা সুৰক্ষা বিষয়ক লৈ বিৰোধীক তীব্ৰ সমালোচনা প্ৰধানমন্ত্ৰী মোদীৰ
"নাৰীৰ ওপৰত হোৱা অত্যাচাৰৰ ক্ষেত্ৰত বিৰোধীৰ বাছনিমূলক মনোভাৱ অতি চিন্তনীয়...ছ'চিয়েল মিডিয়াত বংগৰ পৰা এটা ভিডিঅ' দেখিছো য'ত এগৰাকী মহিলাক প্ৰহাৰ কৰা হৈছিল...সন্দেশখালিত যি ঘটনা সংঘটিত হৈছিল....কিন্তু আনকি জ্যেষ্ঠ নেতাসকলেও ( বিৰোধীৰ) এই বিষয়ে এষাৰো কোৱা নাই...,” ৰাজ্যসভাত এইদৰে কয় প্ৰধানমন্ত্ৰী মোদীয়ে ।
ভাৰতীয় সংবিধানক তেওঁলোকে প্ৰত্যাহ্বান জনাইছে
ৰাজ্যসভাৰ অধ্যক্ষ জগদীপ ধনখৰে কয়, "মই তেওঁলোকক আহ্বান জনাইছিলো যে বিৰোধী দলৰ সাংসদসকলক কোনো ধৰণৰ বাধা নোহোৱাকৈ কথা ক'বলৈ পৰ্যাপ্ত সময় দিয়া হ'ল । আজি তেওঁলোকে সদন এৰি যোৱা নাই, মৰ্যাদা এৰি থৈ গৈছে । আজি তেওঁ সদন এৰি যোৱা নাই, মৰ্যাদা এৰি গৈছে । আজি তেওঁলোকে মোক পিঠি দেখুওৱা নাই, ভাৰতৰ সংবিধানক পিঠি দেখুৱালে তেওঁলোকে ।" ভাৰতৰ সংবিধানক ইয়াতকৈ ডাঙৰ অপমান হ'ব নোৱাৰে ৷ তেওঁলোকৰ আচৰণক গৰিহণা দিছো ৷ তেওঁলোকে ভাৰতীয় সংবিধানক প্ৰত্যাহ্বান জনাইছে । ভাৰতীয় সংবিধানৰ আত্মাক তেওঁলোকে অসন্মান কৰিছে, তেওঁলোকে লোৱা শপতক অসন্মান কৰিছে ৷ ভাৰতীয় সংবিধান আপোনাৰ হাতত ধৰি ৰখা বস্তু নহয়, ই জীয়াই থকাৰ কিতাপ । আশাকৰোঁ তেওঁলোকে আত্মনিৰীক্ষণ কৰি কৰ্তব্যৰ পথ অনুসৰণ কৰিব ।"
কংগ্ৰেছৰ সময়ত আৰ্তজনৰ ক্ষুদ্ৰ কৃষকৰ ঋণ ৰেহাই দিয়া হোৱা নাছিল
ৰাজ্যসভাত ভাষণ দি প্ৰধানমন্ত্ৰী মোদীয়ে কয় যে কংগ্ৰেছৰ কাৰ্যকালত ৬০ হাজাৰ কোটি টকাৰ কৃষক ঋণ ৰেহাইৰ আঁচনি আছিল যদিও আৰ্তজনৰ ক্ষুদ্ৰ কৃষকৰ নাম হিতাধিকাৰীৰ তালিকাত অন্তৰ্ভুক্ত হোৱা নাছিল ।
পৰাজয় বিৰোধীৰ কপালত ডাঙৰকৈ লিখা হৈছে
সদনত অধ্যক্ষই বিৰোধীৰ নেতাক কথা ক’বলৈ নিদিয়াৰ অভিযোগ কৰি সদন উত্তাল কৰি তোলে বিৰোধী দলৰ নেতাসকলে ৷ প্ৰধানমন্ত্ৰী মোদীয়ে কয়, দেশে চাই আছে । বিৰোধী সদস্যসকলে শ্লোগান দি বিৰোধী নেতা মল্লিকাৰ্জুন খৰ্গেক ভাষণ দিবলৈ অনুমতি দিবলৈ অধ্যক্ষক দাবী জনায় । প্ৰধানমন্ত্ৰী মোদীৰ ধন্যবাদৰ প্ৰস্তাৱ সন্দৰ্ভত বিতৰ্কৰ উত্তৰ দি অধ্যক্ষ জগদীপ ধনখৰে কয় যে মই নিয়ম মানি চলিব লাগিব । তেনে সময়ত প্ৰধানমন্ত্ৰী মোদীয়ে কয় যে দেশে চাই আছে ৷ INDIA মিত্ৰজোঁটৰ সদস্যসকলক তীব্ৰ ভাষাৰে সমালোচনা কৰি প্ৰধানমন্ত্ৰী নৰেন্দ্ৰ মোদীয়ে কয়, "পৰাজয় বিৰোধীৰ কপালত ডাঙৰকৈ লিখা হৈছে । তেওঁলোকে নিজৰ মুখ হেৰুৱাইছে আৰু ই গণতন্ত্ৰৰ বাবে লজ্জাজনক ।"
প্ৰধানমন্ত্ৰী ভাষণৰ মাজতেই LoP শ্ল’গানেৰে উত্তাল ৰাজ্যসভা
ৰাষ্ট্ৰসভাত প্ৰধানমন্ত্ৰী নৰেন্দ্ৰ মোদীয়ে ৰাষ্ট্ৰপতিৰ ভাষণৰ ধন্যবাদৰ প্ৰস্তাৱত ভাষণ দিয়াৰ সময়তে বিৰোধী দলৰ সাংসদসকলে ‘LoP ko bolne do’ অৰ্থাৎ বিৰোধী দলৰ সদস্যক ক’বলৈ দিয়া শ্লোগান দিয়ে ৷ তেওঁলোকে অভিযোগ কৰে যে বিৰোধী দলৰ সদস্যক কথা ক’বলৈ দিয়া হোৱা নাছিল ।
‘বিকশিত ভাৰত’ আৰু ‘আত্মনিৰ্ভৰ ভাৰত’ক বাস্তৱায়িত কৰাৰ সুযোগ
ৰাজ্যসভাত প্ৰধানমন্ত্ৰী মোদীয়ে কয় যে দেশৰ জনসাধাৰণে তৃতীয়বাৰৰ বাবে আমাক দিয়া এই সুযোগ হৈছে ‘বিকশিত ভাৰত’ আৰু ‘আত্মনিৰ্ভৰ ভাৰত’ক বাস্তৱায়িত কৰা ।
প্ৰধানমন্ত্ৰী নৰেন্দ্ৰ মোদীয়ে কয় যে এই নিৰ্বাচনত এই দেশৰ জনসাধাৰণৰ বুদ্ধি আৰু বুদ্ধিমত্তাৰ বাবে আমি গৌৰৱান্বিত । তেওঁলোকে প্ৰদৰ্শনক অগ্ৰাধিকাৰ দিছিল । প্ৰতাৰণাৰ ৰাজনীতিক নাকচ কৰি আস্থাৰ ৰাজনীতিত বিজয়ৰ মোহৰ লগাই দিলে ।
ৰাজ্যসভাত ৰাষ্ট্ৰপতিৰ ভাষণৰ ধন্যবাদৰ প্ৰস্তাৱ সন্দৰ্ভত আলোচনা প্ৰধানমন্ত্ৰীৰ
প্ৰধানমন্ত্ৰী নৰেন্দ্ৰ মোদীয়ে ৰাজ্যসভাত ধন্যবাদ সূচক প্ৰস্তাৱৰ ওপৰত আলোচনাৰে ৰাজ্যসভাক সম্বোধন কৰে ৷ ৰাষ্ট্ৰপতিৰ ভাষণৰ ধন্যবাদৰ প্ৰস্তাৱ সন্দৰ্ভত আলোচনাৰ প্ৰতিক্ৰিয়া প্ৰকাশ কৰি প্ৰধানমন্ত্ৰী নৰেন্দ্ৰ মোদীয়ে কয় যে যোৱা ডেৰ-দুই দিনত প্ৰায় ৭০ জন সাংসদে এই আলোচনাত অংশ লৈছিল । ৰাষ্ট্ৰপতিৰ ভাষণত এই আলোচনাক সমৃদ্ধ কৰাৰ বাবে আপোনালোক সকলো সাংসদলৈ কৃতজ্ঞতা জ্ঞাপন কৰিছো । প্ৰধানমন্ত্ৰী মোদীয়ে কয় যে ৰাষ্ট্ৰপতিৰ এই ভাষণে দেশবাসীৰ বাবে প্ৰেৰণা আৰু উৎসাহৰ লগতে সত্যৰ পথ অনুসৰণ কৰাৰ প্ৰেৰণা হিচাপে পৰিগণিত হয় । তৃতীয়বাৰৰ বাবে চৰকাৰ নিৰ্বাচন কৰাৰ বাবে ভাৰতবাসীক ধন্যবাদ জ্ঞাপন কৰে ।
হাথৰছ কাণ্ডক লৈ শোক প্ৰকাশ ৰাজ্যসভাৰ অধ্যক্ষ জগদীপ ধনখৰৰ
আজি পুৱা ১১ বজাৰ লগে লগে সদনৰ কাম-কাজ আৰম্ভ হোৱাৰ পাচতেই ৰাজ্যসভাৰ অধ্যক্ষ জগদীপ ধনখৰে উত্তৰ প্ৰদেশৰ হাথৰছত ধৰ্মীয় অনুষ্ঠানৰ মাজতে সংঘটিত শোকাৱহ ঘটনাক লৈ শোক প্ৰকাশ কৰে । ৰাজ্যসভাৰ বিৰোধী দলৰ নেতা মল্লিকাৰ্জুন খৰ্গেয়ে চৰকাৰক আহ্বান জনায় যে, ৰাজ্যসভাত এনেধৰণৰ ঘটনা ৰোধ কৰাৰ লক্ষ্যৰে আইন প্ৰণয়ন কৰিব লাগে ৷ ইফালে অধ্যক্ষই সদনৰ নেতাসকলক বিৰোধী দলৰ সদস্যসকলৰ সৈতে একেলগে কাম কৰিবলৈ আহ্বান জনায়, যাতে এনে ঘটনা ৰোধ কৰিব পৰা যায় ।
Last Updated : Jul 3, 2024, 2:00 PM IST