নিউজ ডেস্ক, 21 এপ্ৰিল : মুনছিয়াৰী মিলাম পথৰ মাপাঙৰ সমীপৰ চিৰকানীত হিমবাহ বাগৰি পৰাৰ বাবে বন্ধ হৈ পৰিছে পথ ৷ চীন সীমান্তত নিয়োজিত আই টি বি পি আৰু অঞ্চলটোৰ সংলগ্ন 13 খন গাঁৱৰ গ্ৰাম্য পথসমূহ বন্ধৰ ফলত ব্যাপক সমস্যাৰ সৃষ্টি হৈছে ৷ চীন সীমান্ত সংযোগী পথত চিৰকানিৰ সমীপত হঠাৎ হিমবাহ বাগৰি পৰাৰ ফলতেই এই অৱস্থাৰ সৃষ্টি হয় ৷
পিথোৰাগড়ত ভাঙি গ’ল হিমবাহ :
হিমবাহ ভাঙি যোৱাৰ বাবে বন্ধ হৈ পৰিছে পথ ৷ ৰিলকোট, চামটু, জোহৰ উপত্যকা, টোলা, গংগাৰ, ৰালামকে ধৰি 13 খন গাঁৱৰ লোকে পথটো বন্ধ হোৱাৰ বাবে সমস্যাৰ সন্মুখীন হৈছে ৷ বৰ্তমান সময়ত এই গাঁওবোৰৰ পৰা প্ৰব্ৰজন ঘটিছে, য’ত বৃহৎ সংখ্যক ভেড়াপালক বাস কৰে ৷ হিমবাহ খহি পৰাৰ বাবে সমগ্ৰ পথটো বন্ধ হৈ আছে ৷ আনকি খোজকাঢ়ি যাবলৈয়ো কোনো পথ নাই ৷
হিমবাহ ভাঙি যোৱাৰ বাবে পথ বন্ধ :
তিনিদিন পূৰ্বে গাঁৱলৈ ভোট দিবলৈ অহা লোকসকল এতিয়া উভতি যোৱাৰ ক্ষেত্ৰত অসুবিধাৰ সন্মুখীন হৈছে ৷ ৰাইজে শীঘ্ৰে পথটো মুকলি কৰিবলৈ জিলা প্ৰশাসনক দাবী জনাইছে ৷ বৰফ আঁতৰোৱাৰ কাম আৰম্ভ কৰিছে বি আৰ অ'ই ৷ কিন্তু বৃহৎ পৰিমাণৰ বৰফ খহি পৰাৰ বাবে ইয়াক আঁতৰোৱাত অসুবিধাৰ সৃষ্টি হৈছে ৷ প্ৰশাসনে শীঘ্ৰেই পথটো মুকলি কৰিবলৈ বি আৰ অ’ক নিৰ্দেশ দিছে ৷
গ্ৰীষ্মকালত হিমবাহ খহি পৰে :
যোৱা বছৰো মে’ মাহত অত্যধিক গৰমৰ বাবে মিলম পথৰ বহু ঠাইত হিমবাহ পিচলি পৰাৰ বাবে পথ বন্ধ হৈ পৰিছিল ৷ বিগত সময়ত মে’ আৰু জুন মাহত হিমবাহ ছিটিকি পৰাৰ ঘটনা অধিক সংঘটিত হৈ আহিছে ৷ কিন্তু এইবাৰ এপ্ৰিল মাহতে এনেদৰে হিমবাহ বাগৰি পৰে ৷ গৰমৰ ধাৰাবাহিকতা বৃদ্ধি পোৱাৰ লগে লগে উচ্চ হিমালয় অঞ্চলত ইতিমধ্যে বৰফ গলি যোৱা আৰু হিমবাহ ছিটিকি পৰাৰ ঘটনা সঘনে সংঘটিত হ’বলৈ আৰম্ভ কৰিছে ৷
লগতে পঢ়ক :প্ৰচণ্ড গ্ৰীষ্ম প্ৰৱাহ ! বাতৰি পৰিৱেশনৰ সময়তেই অজ্ঞান হৈ ঢলি পৰিল পৰিৱেশক - News Anchor Faints During Live
