নতুন দিল্লী : নতুন দিল্লীৰ ৰে'ল ষ্টেচনত সংঘটিত পদপিষ্টৰ ঘটনাক লৈ দেশজুৰি শোকাকুল পৰিৱেশে বিৰাজ কৰিছে । ঘটনাক লৈ সকলোৱে প্ৰতিক্ৰিয়া প্ৰকাশ কৰিছে । অৱশ্যে এই ঘটনাৰ বাবে কংগ্ৰেছে কেন্দ্ৰীয় চৰকাৰক তীব্ৰ আক্ৰমণ কৰিছে ।
- কেন্দ্ৰক আক্ৰমণ মল্লিকাৰ্জুন খাৰ্গেৰ
কংগ্ৰেছৰ সভাপতি মল্লিকাৰ্জুন খাৰ্গেয়ে পদপিষ্টৰ ঘটনাক লৈ কেন্দ্ৰক সমালোচনা কৰি এনে পৰিস্থিতিত স্বচ্ছতা আৰু দায়বদ্ধতাৰ দাবী জনাই । তেওঁ মৃত আৰু আঘাত লোকৰ সঠিক সংখ্যা তাৎক্ষণিকভাৱে প্ৰকাশ কৰিবলৈও আহ্বান জনায় । লগতে কেন্দ্ৰৰ পৰা সন্ধানহীন লোকসকলৰ তথ্যও বিচাৰে ।
এক্সৰ এটা পোষ্টত তেওঁ লিখিছে, "আমি দাবী কৰো যে মৃত আৰু আহতৰ সংখ্যা যিমান সম্ভৱ সোনকালে ঘোষণা কৰিব লাগে আৰু সন্ধানহীন লোকসকলৰ পৰিচয়ও নিশ্চিত কৰিব লাগে ।"
তেওঁ লগতে কয় যে আহতসকলক তাৎক্ষণিক চিকিৎসা প্ৰদান কৰা আৰু ভুক্তভোগীসকলৰ পৰিয়ালক সহায় কৰাটোৱেই প্ৰাথমিকতা হ'ব লাগে । তেওঁ লিখিছে, "পীড়িতসকলৰ পৰিয়াললৈ আমাৰ গভীৰ সমবেদনা । আহতসকলক তাৎক্ষণিক চিকিৎসা প্ৰদান কৰা উচিত ।"
नई दिल्ली रेलवे स्टेशन पर भगदड़ से कई लोगों की मृत्यु हो जाने का समाचार अत्यंत पीड़ादायक है। स्टेशन से आ रहे वीडियो बेहद हृदयविदारक है।
— Mallikarjun Kharge (@kharge) February 15, 2025
नई दिल्ली रेलवे स्टेशन पर हुई मौतों के मामले में नरेंद्र मोदी सरकार द्वारा सच्चाई छिपाने की कोशिश बेहद शर्मनाक व निंदनीय है।
हमारी मांग है…
তেওঁ লগতে অভিযোগ কৰে যে কেন্দ্ৰীয় চৰকাৰে ঘটনাটো গাপ দিবলৈ চেষ্টা কৰিছে । ঘটনাৰ বাবে দায়ীসকলক জবাবদিহি কৰাৰ লগতে ভৱিষ্যতে এনে দুৰ্ঘটনা প্ৰতিহত কৰাৰ বাবে ব্যৱস্থা গ্ৰহণ কৰাৰো দাবী জনায় ।
এক্সৰ পোষ্টত তেওঁ লিখিছে, "নতুন দিল্লী ৰে'ল ষ্টেচনত সংঘটিত পদপিষ্টৰ ঘটনাত বহু লোকৰ মৃত্যু হোৱাৰ খবৰ অত্যন্ত দুখজনক । ষ্টেচনৰ ভিডিঅ'বোৰ অত্যন্ত হৃদয় বিদাৰক । নতুন দিল্লী ৰে'ল ষ্টেচনত হোৱা মৃত্যুৰ ক্ষেত্ৰত সত্য লুকুৱাবলৈ নৰেন্দ্ৰ মোদী চৰকাৰে কৰা প্ৰয়াস অত্যন্ত লজ্জাজনক আৰু নিন্দনীয় ।"
- পৱন খেৰাৰ প্ৰতিক্ৰিয়া
আনহাতে কংগ্ৰেছৰ মুখপাত্ৰ পৱন খেৰাইও বিশাল জনসমাগম নিয়ন্ত্ৰণৰ ক্ষেত্ৰত উন্নত ব্যৱস্থাৰ প্ৰয়োজনীয়তাৰ ওপৰত গুৰুত্ব আৰোপ কৰে । নতুন দিল্লীৰ ঘটনাটোৰ পিছতে পৱন খেৰাই এক্সৰ এটা পোষ্টত লিখিছে, "নতুন দিল্লী ষ্টেচনত সংঘটিত পদপিষ্টৰ ঘটনাটো দুখজনক । কুম্ভৰ বিশাল অনুষ্ঠানৰ বাবে নতুন দিল্লী ষ্টেচনত উন্নত ব্যৱস্থা কৰা উচিত আছিল । প্ৰায় ১২ গৰাকী লোক আহত হোৱাৰ খবৰ পোৱা গৈছে । আশা কৰো সকলোৱে সুৰক্ষিতভাৱে তেওঁলোকৰ গন্তব্যস্থানত গৈ পাব ।"
नई दिल्ली स्टेशन पर मची भगदड़ की घटना दुखद है।
— Pawan Khera 🇮🇳 (@Pawankhera) February 15, 2025
कुंभ के इतने बड़े आयोजन के चलते नई दिल्ली स्टेशन पर इस से बेहतर इंतज़ाम किए जाने चाहिए थे।
एक दर्जन के लगभग लोगों के घायल होने की सूचना है।
जैसे तैसे लोगों को पार्सल ठेले पर ले जाकर अस्पताल में भर्ती कराया गया है।
उम्मीद है सब… pic.twitter.com/V1xZGUn1Ak
উল্লেখ্য যে শনিবাৰে নতুন দিল্লী ৰে'ল ষ্টেচনত সংঘটিত ঘটনাটোত প্ৰায় ১৫ গৰাকী লোক নিহত হয় ।
- ৰে'লৱে আৰক্ষীয়ে আৰম্ভ কৰিছে তদন্ত
ৰে'লৱেৰ উপ আৰক্ষী আয়ুক্ত কেপিএছ মালহোত্ৰাৰ মতে ১৪ নং প্লেটফৰ্মত বৃহৎ সংখ্যক যাত্ৰী সমবেত হোৱাৰ সময়তে এই ঘটনাটো সংঘটিত হৈছিল । য'ত প্ৰয়াগৰাজ এক্সপ্ৰেছ ৰৈ আছিল । ইয়াৰ উপৰিও, স্বতন্ত্ৰ সেনানী এক্সপ্ৰেছ আৰু ভুৱনেশ্বৰ ৰাজধানীৰ প্ৰস্থানত পলম হোৱাৰ ফলত ১২, ১৩ আৰু ১৪ নং প্লেটফৰ্মত অধিক ভিৰ হৈছিল ।
18 killed in stampede at New Delhi railway station
— ANI Digital (@ani_digital) February 16, 2025
Read @ANI Story | https://t.co/P3RoOsxqEN#NewDelhiRailwaystation #stampede #MahaKumbh pic.twitter.com/oA7cRrZXyj
তেওঁ কয়, "আমি ভিৰৰ অনুমান কৰিছলো, কিন্তু অতি কম সময়ৰ ভিতৰতে সমগ্ৰ ঘটনাটো সংঘটিত হৈছিল । ঘটনাৰ অনুসন্ধান ৰে'লৱেৰ দ্বাৰা কৰা হ'ব...অনুসন্ধানৰ পিছত আমি ঘটনাটোৰ আঁৰৰ কাৰণ জানিব পাৰিম...।"
প্ৰতিবেদন অনুসৰি প্ৰায় ১,৫০০ জেনেৰেল টিকট বিক্ৰী হৈছিল, যাৰ ফলত যথেষ্ট ভিৰ হৈছিল । ১৪ নং প্লেটফৰ্ম আৰু ১ নং প্লেটফৰ্মত এস্কেলেটৰৰ ওচৰত পৰিস্থিতিৰ অধিক অৱনতি ঘটিছিল ।
