অভয়াৰ পিচত এইবাৰ যাত্ৰীবাহী বাছত কিশোৰীক দলবদ্ধ ধৰ্ষণ - Dehradun Gang Rape Case

Gang Rape Case: ডেৰাডুনত এগৰাকী কিশোৰীক দলবদ্ধ ধৰ্ষণ কৰা ঘটনা পোহৰলৈ আহিছে । ইতিমধ্যে আৰক্ষীয়ে অভিযুক্তৰ বিৰুদ্ধে গোচৰ ৰুজু কৰি আৰম্ভ কৰিছে তদন্ত । ঘটনা সন্দৰ্ভত আৰক্ষীয়ে একাংশ লোকক আটক কৰি জেৰা অব্যাহত ৰাখিছে বুলিও জানিব পৰা গৈছে ।

নেশ্যনেল ডেস্ক, ১৮ আগষ্ট :কলিকতাৰ এগৰাকী মহিলা প্ৰশিক্ষক ডাক্তৰক ধৰ্ষণ আৰু হত্যা কৰা ঘটনাৰ মাৰ নৌযাওঁতেই ডেৰাডুনত ঘংঘটিত হৈছে তেনে এক অনুৰূপ ঘটনা ৷ জানিব পৰা মতে, ডেৰাডুনৰ আই এছ বি টিত বাছত এগৰাকী কিশোৰীক দলবদ্ধ ধৰ্ষণ কৰে ৷ শেহতীয়াকৈ লাভ কৰা তথ্য অনুসৰি, ভুক্তভোগী কিশোৰীগৰাকী মানসিকভাৱে বিকাৰগ্ৰস্ত আছিল ৷

শিশু কল্যাণ সমিতিৰ দলে আই এছ বি টিৰ পৰা কিশোৰীগৰাকীক উদ্ধাৰ কৰাৰ সময়তে পোহৰলৈ আহিছে এই ঘটনাটো । কাউন্সেলিঙৰ অন্তত শনিবাৰে কমিটীয়ে কোটোৱালি পেটেল নগৰৰ আই এছ বি টি পোষ্ট আৰক্ষী চকীত অচিনাকি অভিযুক্তৰ বিৰুদ্ধে গোচৰ ৰুজু কৰে । ইয়াৰ পিছতে আৰক্ষীয়ে বিষয়টোৰ তদন্ত আৰম্ভ কৰে । আৰক্ষীয়ে এই ঘটনাৰ লগত জড়িত থকাৰ সন্দেহত দুজনক আটক কৰি জেৰা অব্যাহত ৰাখিছে ।

লগতে পঢ়ক :নাৰীৰ সুৰক্ষাৰ বাবে পশ্চিমবংগত মুকলি ‘ৰাত্ৰিৰেৰ সাথী’ - Kolkata Doctor Rape murder

• কিশোৰীগৰাকীক অতি বেয়া অৱস্থাত উদ্ধাৰ কৰা হয় :

তথ্য অনুসৰি মুৰাদাবাদৰ পৰা উত্তৰ প্ৰদেশৰ ৰোডৱেজ বাছত উঠিছিল ১৬ বছৰীয়া কিশোৰী । ১৩ আগষ্টৰ পুৱা প্ৰায় ২.৩০ বজাত তেওঁ আই এছ বি টি ডেৰাডুনত উপস্থিত হয় । অভিযোগ অনুসৰি বাছখন খালী হোৱাৰ পিছত প্ৰায় পাঁচজন লোকে কিশোৰীগৰাকীক দলবদ্ধ ধৰ্ষণ কৰে ৷ তাৰ পাচত অভিযুক্তই কিশোৰীগৰাকীক বাছৰ পৰা উলিয়াই লৈ যায় ।

শিশু কল্যাণ সমিতিৰ হেল্পলাইন দলে আই এছ বি টিৰ বাহিৰত কিশোৰীগৰাকীক অতি দুখলগা অৱস্থাত উদ্ধাৰ কৰে । তাৰ পাচতে কমিটীৰ আগত ভুক্তভোগী কিশোৰীগৰাকীয়ে সকলো কথা বৰ্ণনা কৰে । ইয়াৰ পাচতে শনিবাৰে নিশা আই এছ বি টি পোষ্টত উপস্থিত হৈ কমিটীৰ সদস্যসকলে ঘটনা সন্দৰ্ভত অৱগত কৰে ।

লগতে পঢ়ক :প্ৰতি ২ ঘণ্টাৰ মূৰে মূৰে প্ৰতিখন ৰাজ্যৰে আইন-শৃংখলাজনিত পৰিস্থিতিৰ তথ্য লাগিব কেন্দ্ৰীয় গৃহ মন্ত্ৰণালয়ক - Kolkata Doctor Rape murder

• বায়েক আৰু ভিনিয়েকে ঘৰৰ পৰা বাহিৰ কৰি দিয়ে :

শিশু কল্যাণ সমিতিৰ সদস্য প্ৰীতিৰ মতে, ভুক্তভোগী কিশোৰীগৰাকীয়ে কয় যে তেওঁ উত্তৰাখণ্ডৰে বাসিন্দা ৷ ইতিমধ্যে ভুক্তভোগী কিশোৰীগৰাকীৰ পিতৃ-মাতৃৰ মৃত্যু হৈছে । ১১ আগষ্টৰ দিনা ভুক্তভোগী কিশোৰীগৰাকীক ভিনিয়েক আৰু বায়েকে ঘৰৰ পৰা বাহিৰ কৰি দিয়ে ৷ সেয়ে ভুক্তভোগী কিশোৰীগৰাকীয়ে পঞ্জাবৰ পৰা বাছত উঠি দিল্লীত উপস্থিত হয় ৷ তাৰ পিছত মুৰাদাবাদ আৰু পৰৱৰ্তী সময়ত ডেৰাডুনত উপস্থিত হয় কিশোৰীগৰাকী ৷

ভুক্তভোগী কিশোৰীগৰাকীয়ে উল্লেখ কৰা মতে, তেওঁ অহা বাছখনৰ ৰং ৰঙা ৷ ইয়াৰ পৰাই অনুমান কৰা হৈছে যে সম্ভৱতঃ বাছখন উত্তৰ প্ৰদেশ পৰিবহণ নিগমৰ আছিল ।

• বিষয়টো সন্দৰ্ভত আৰক্ষীয়ে কি ক’লে:

এছ এছ পি অজয় ​​সিঙে কয় যে তেওঁ নিজেই আই এছ বি টি পোষ্টত উপস্থিত হৈ এই ঘটনাৰ বিষয়ে তথ্য লাভ কৰিছে ৷ অজ্ঞাত অভিযুক্তৰ বিৰুদ্ধে দলবদ্ধ ধৰ্ষণৰ গোচৰ ৰুজু কৰা হৈছে। এই সন্দৰ্ভত আৰক্ষীয়ে তদন্ত অব্যাহত ৰাখিছে আৰু দুজন লোকক আটকো কৰা হৈছে । লগতে আই এছ বি টিৰ CCTVৰ ফুটেজ যুগুত কৰি আৰক্ষীয়ে তদন্ত কৰি আছে ।

লগতে পঢ়ক :কলকাতাকাণ্ডৰ তদন্তৰ পৰিৱৰ্তে কেৱল ইজনে আনজনক দোষাৰোপ কৰাত ব্যস্ত: নিৰ্ভয়াৰ মাতৃ - Kolkata Doctor Rape murder