Ali Farag Slam Western Media: مغربی میڈیا کا دوہرا رویہ، اگر یوکرین پر بات کی جا رہی ہے تو فلسطین پر کیوں نہیں؟

مغربی میڈیا پر تنقید کرتے ہوئے عالمی نمبر ون مصری اسکواش کھلاڑی علی فراغ Ali Farag Slam Western Media نے کہا کہ فلسطین میں اسرائیلی بربریت کا تذکرہ خبروں میں نمایاں طور پر نہیں آتا کیونکہ یہ مغربی میڈیا کے بیانیے سے مطابقت نہیں رکھتا۔ انہوں نے مزید کہا کہ اگر مغربی میڈیا یوکرین کی بات کرسکتا ہے تو پھر فلسطین کی بھی بات ہونی چاہیے۔ انہوں نے کہا 'میرا مطلب ہے کہ فلسطینی 74 برسوں سے ظلم و زیادتی کا شکار ہیں اور جنگ جیسے ماحول سے گزر رہے ہیں لیکن مغربی میڈیا اس تعلق سے بات نہیں کرتا ہے اور اب جب یوکرین کے تعلق سے مغربی میڈیا بات کررہا ہے، تو فلسطین کے بارے میں بھی بات کی جانی چاہیے، برائے مہربانی اس بات کو سمجھیں۔'