دلت جوڑے کو مندر میں داخلے کی اجازت نہیں، ویڈیو وائرل

جالور کے نیل کنٹھ مہادیو مندر میں دلت جوڑے کو مندر میں داخلہ نہ دینے کے ویڈیو وائرل کو سنجیدگی سے لیتے ہوئے پولیس نے ملزم پجاری کو گرفتار کیا ہے۔ دراصل رجستھان کے ضلع جالور ہیڈکوارٹر کے قریب نیل کنٹھ مہادیو مندر میں دلت جوڑے کو مندر میں داخلہ نہ دینے اور پجاری کی جانب سے غیر مہذب رویے کا ویڈیو وائرل ہوا۔ اس سلسلے میں متاثرین نے ایف آئی آر درج کرائی۔ معاملے کی سنجیدگی کو دیکھتے ہوئے ایس پی ہرش وردھن اگروالا نے مندر کا جائزہ لیا اور گاؤں والوں سے معلومات اکٹھی کیں۔ اس معاملے میں دلت جوڑے کے ساتھ بدسلوکی کے الزام میں پجاری (جالورے نیل کنٹھ مندر کے پجاری) کو گرفتار کر لیا گیا ہے۔