ماسک چیک کر رہے داروغہ کو نوجوان نے مارا تھپڑ، ویڈیو وائرل

اترپردیش کے ضلع کُشی نگر کے پٹہروا تھانہ علاقے کا ایک ویڈیو تیزی سے وائرل ہو رہا ہے جس میں ایک نوجوان نے چوکی انچارج کو زوردار تھپڑ لگا کر راہ فرار اختیار کر لی۔ وائرل ویڈیو میں دیکھا جا سکتا ہے کہ فاضل نگر چوکی انچارج دِگ وجے سنگھ پولیس کی گاڑی میں بیٹھ کر ایک شخص کی ماسک نہ لگانے پر سرزنش کر رہے ہیں اور اس دوران نوجوان نے چوکی انچارج کو تھپڑ لگا دیا حالانکہ دعویٰ کیا جا رہا ہے کہ پہلے چوکی انچارج نے نوجوان کو تھپڑ مارا اور نوجوان کا گریبان پکڑا تھا جس کے بعد اپنے ساتھ اس طرح کے سلوک کو دیکھ کر نوجوان چند سیکنڈ تو پُرسکون رہا لیکن اس کے بعد وہ گاڑی میں بیٹھے چوکی انچارج دِگ وجے سنگھ کو تھپڑ مار کر فرار ہوگیا جبکہ گاڑی کے پاس ہی کھڑا ایک سپاہی جوان کا پیچھا کرتا ہے لیکن نوجوان فرار ہونے میں کامیاب ہوتا ہے۔