ممبئی: جب کار کنویں میں ڈوب گئی

ممبئی کے گھاٹکوپر علاقے کا ایک ویڈیو وائرل ہورہا ہے جس میں بارش کے سبب کنویں پر بنا سلیب ٹوٹنے سے ایک کار اس میں پوری طرح ڈوب گئی۔ مہاراشٹر کے دارالحکومت ممبئی میں گذشتہ روز سے بارش کا سلسلہ جاری ہے جس کی وجہ سے مختلف حادثات رونما ہوئے ہیں۔ گھاٹکوپر ویسٹ کاما لین میں رام نیواس سوسائٹی میں کار ڈوبنے کا واقعہ پیش آیا۔ اس سوسائٹی میں کنویں پر آر سی سی سلیب لگا کر گاڑیاں کھڑی کی جارہی تھیں لیکن آج بارش کے سبب سلیب گر گیا اور اس پر کھڑی ہوئی کار پانی میں ڈوب گئی۔