Benny Dayal Hit by a Drone گلوکار بینی دیال ڈرون کیمرے سے ٹکرا گئے

چنئی: معروف پلے بیک سنگر بینی دیال نے مختلف زبانوں میں بے شمار گانے گائے۔ اس کے علاوہ انہوں نے نجی ٹیلی ویژن پر نشر ہونے والے گانے سے متعلق پروگرام میں بطور جج بھی حصہ لے چکے ہیں۔ ان کا تعارف میوزک ڈائریکٹر اے آر رحمان نے کرایا۔ انہوں نے تامل، تیلگو، ملیالم اور بنگالی سمیت دیگر زبانوں میں 3000 سے زیادہ گانے گائے ہیں۔

 انہوں نے جمعہ کو چنئی میں ویلور انسٹی ٹیو آف ٹیکنالوجی (VIT) کے زیر اہتمام ایک شو میں حصہ لیا۔ جب وہ گانے گا رہے تھے تو اسٹیج پر اڑتا ہوا ایک ڈرون کیمرہ غیر متوقع طور پر بینی دیال کی گردن سے ٹکرا گیا۔ بینی دیال گھبرا گئے اور لڑکھڑا کر نیچے گر گئے۔ ویڈیو سوشل میڈیا پر وائرل ہوگیا۔

اس کے بعد بینی نے اپنے انسٹاگرام پیج پر ایک ویڈیو پوسٹ کرتے ہوئے کہا کہ میری صحت کے بارے میں پوچھنے والے تمام لوگوں کا شکریہ، تقریب کے دوران ڈرون کیمرہ میری گردن پر لگا، جب میں نے اسے روکنے کی کوشش کی تو میری دو انگلیاں زخمی ہوگئیں۔ میں اب بالکل ٹھیک ہوں۔میں نے ایسے پروفیشنل آپریٹرز کی خدمات حاصل کرنے کی بھی درخواست کی ہے جو اس طرح کے پروگراموں میں کام کرنا جانتے ہیں۔اور ہم گلوکار ہیں۔ہمیں بڑے انتظامات کی ضرورت نہیں ہے جیسے بڑے اداکار کرتے ہیں۔میں شو کے منتظمین سے کہنا چاہتا ہوں کہ سادہ انتظامات کافی ہیں۔"