ختم ہوئی 7 دہائیوں کی لمبی جدائی

کرتارپور راہداری پر بدھ کے روز جذباتی کردینے والا ایک ویڈیو سوشل میڈیا پر خوب وائرل ہورہا ہے۔ سنہ 1947 میں ہند پاک تقسیم کے دوران صرف زمین کی تقسیم نہیں ہوئی تھی بلکہ دو بھائی بھی ایک دوسرے سے جدا ہوگئے تھے، لیکن کرتارپور راہداری پر یہ دو بھائی 74 سال بعد دوبارہ مل پائے۔ بچھڑے ہوئے دونوں بھائی کی یہ ملاقات دل کو چھو جانے والی ہے۔ تقسیم کے وقت پاکستان کے فیصل آباد کے رہنے والے صدیق اور ان کے بڑے بھائی حبیب الگ ہو گئے تھے۔ تقسیم کی وجہ سے بڑے بھائی حبیب کی پرورش جہاں بھارت میں ہوئی وہیں صدیق پاکستان میں پلے بڑھے۔