نئی دہلی: چیمپئنز ٹرافی 2025 کا آغاز ہو چکا ہے۔ افتتاحی میچ بدھ کو پاکستان اور نیوزی لینڈ کے درمیان کراچی کے نیشنل اسٹیڈیم میں کھیلا گیا۔ نیوزی لینڈ کی ٹیم نے میچ میں زبردست کھیل پیش کرتے ہوئے پاکستان کو بری طرح شکست دی۔
آئی سی سی چیمپئنز ٹرافی 2025 کا آغاز محمد رضوان کی کپتانی والی پاکستانی ٹیم کے لیے بالکل بھی اچھا نہیں رہا۔ بدھ (19 فروری) کو کھیلے گئے افتتاحی میچ میں نیوزی لینڈ نے پاکستان کو 60 رنز سے شکست دی۔ یہ میچ کراچی کے نیشنل اسٹیڈیم میں ہوا۔
ٹورنامنٹ کی میزبانی پاکستان کر رہا ہے۔ ایسے میں ان کے ہوم گراؤنڈ میں یہ شکست شائقین کے لیے ایک جھٹکا ثابت ہونے والی ہے۔ اب اگر پاکستان کو سیمی فائنل میں جگہ بنانا ہے تو اسے اپنے گروپ کے باقی دونوں میچ جیتنا ہوں گے۔ پاکستان کا اگلا میچ 23 فروری کو بھارتی ٹیم کے خلاف ہے۔ جبکہ تیسرا اور آخری گروپ میچ 27 فروری کو بنگلہ دیش کے خلاف کھیلا جائے گا۔
میچ میں ٹاس ہار کر پہلے بیٹنگ کرتے ہوئے نیوزی لینڈ کی ٹیم نے 321 رنز کا ہدف دیا۔ جواب میں پاکستانی ٹیم صرف 47.2 اوورز میں 260 رنز پر آل آؤٹ ہوگئی۔ بابر اعظم اور خوشدل شاہ نے نصف سنچریاں سکور کیں۔ خوشدل نے 69 اور بابر نے 64 رنز بنائے۔ کیوی ٹیم کی جانب سے ول او رورک اور مچل سینٹنر نے 3-3 وکٹیں حاصل کیں۔
