جم میں ورزش کرتے ہوئے خاتون کی موت، ویڈیو وائرل

بنگلور کے ایک جم میں ورزش کے دوران ایک خاتون کی اچانک موت کا ویڈیو وائرل ہورہا ہے۔ اطلاعات کے مطابق ملیش پالیا علاقے کی ایک جم میں ونے کماری (44) نام کی ایک خاتون ورزش کررہی تھی تبھی اچانک وہ گرگئی، آس پاس موجود لوگ خاتون کی مدد کے لیے بھاگے اور اسے اٹھانے کی کوشش کی، لیکن تب تک بہت دیر ہوچکی تھی۔ پورا معاملہ سی سی ٹی وی کیمرے میں قید ہوگیا جو سوشل میڈیا پر وائرل ہے۔ بتایا جارہا ہے کہ خاتون آئی ڈی سی کمپنی میں نوکری کرتی تھی اور جمعہ کی رات نائٹ شف کرکے وہ جم پہنچی تھی تبھی یہ حادثہ پیش آیا۔ پولیس کا کہنا ہے کہ پورسٹ مارٹم رپورٹ سامنے آنے کے بعد اصل وجہ معلوم ہوگی۔