وزیر دفاع راج ناتھ سنگھ نے نیشنل وار میموریل پر جاکر پورے ملک کی جانب سے کرگل کے شہیدوں کو خراج عقیدت پیش کیا۔
سنگھ جمعہ کی صبح نو بجے انڈیا گیٹ میں واقع نیشنل وار میموریل پہنچے اور وطن کی حفاظت میں اپنی جان نثار کرنے والے ملک کے بہادر سپوتوں کو گلہائے عقیدت پیش کئے ۔ ان کے ساتھ وزیر دفاع براےمملکت شريپد يشو نائک اور تینوں افواج کے سربراہان نے بھی شہیدوں کو سلام کیا ۔
راجناتھ سنگھ نے ٹویٹ میں کہا کہ یوم فتح کرگلکی 20 ویں سالگرہ پر میں بھارتی فوجیوں کی بہادری اور قربانی کو سلام کرتا ہوں۔
انہوں نے پوسٹ کر کے کرگلجنگ کے دوران فوجیوں کی بہادری کی سراہنا کی اور ہم وطنوں کے تعاون کو یاد کیا۔
بیس سال قبل 1999 میں پاکستانی دراندازوں نے خفیہ طور سے آکر کرگلکی چوٹیوں پر قبضہ کر لیا تھا ۔ ہندوستانی فوجیوں نے جرات اور بہادری کا مظاہرہ کرتے ہوئے انہیں وہاں سے نکال کر ان چوٹیوں پر ترنگا لہرایا تھا ۔ تقریبا دو ماہ تک جاری رہی یہ لڑائی 26 جولائی 1999 کو ختم ہوئی تھی اور اس کے بعد سے اس دن کو یو م فتح کرگلکے طور پر منایا جاتا ہے
