'قانون کا راج قائم کرنا صرف حکومت کا کام نہیں، عدلیہ کا کردار بھی اہم'

نتیش کمار نے کہا کہ جرائم پر قابو پانے کے لئے ضروری ہے کہ ٹرائل کا کام تیزی سے چلتا رہے۔ انہوں نے کہا کہ مقنہ قانون تو بنا سکتی ہے لیکن سب سے بڑا کردار عدلیہ کا ہی ہے۔

بہار کے وزیراعلی نتیش کمار نے عوام کو انصاف دلانے کے لئے حکومت کی جانب سے عدلیہ کی ضرورتوں کو پورا کرنے کا وعدہ کرتے ہوئے کہا کہ قانون کا راج قائم کرنا صرف حکومت کام نہیں ہے۔ عدلیہ پر بھی بہت بہت بڑی ذمہ داری عائد ہوتی ہے۔

نتیش کمار نے سپریم کورٹ کے چیف جسٹس شرد اروند بوبڑے اور مرکزی وزیر قانون روی شنکر پرساد کی موجودگی میں پٹنہ ہائی کورٹ کے شتابدی ہال کے افتتاحی پروگرام میں کہا کہ جرائم پر قابو پانے کے لئے ضروری ہے کہ ٹرائل کا کام تیزی سے چلتا رہے۔ انہوں نے کہا کہ مقنہ قانون تو بنا سکتی ہے لیکن سب سے بڑا کردار عدلیہ کا ہی ہے۔

وزیراعلی نے کہا کہ سال 2005 میں جب انہیں ریاست میں کام کرنے کا موقع ملا تب جرائم کے معاملے میں ٹرائل کی پٹنہ ہائی کورٹ کی سطح پر مانیٹرنگ کی گئی اور تیزی سے ٹرائل ہوا۔ ججوں کو جس ضلع کی ذمہ داری سونپی گئی تھی، اس پر انہوں نے نظر رکھی۔ عدالت نے کام کیا اور قصورواروں کو سزا ملنی شروع ہوئی۔ اس سے بہار میں جرائم میں کمی آئی۔