ہماچل پردیش کی منڈی میں دریائے بیاس کے سیلاب میں نوجوان پوری رات پھنسا رہا - Flood in Himachal Pradesh

منڈی: بارش کے موسم میں دریاؤں اور ندی نالوں میں پانی کی سطح بڑھ گئی ہے۔ انتظامیہ نے لوگوں کو ندی نالوں سے دور رہنے کی ہدایت بھی کی ہے۔ منڈی شہر میں ایک نوجوان رات کے اندھیرے میں بیاس اور سوکیتی ندیوں کے سنگم پر چلا گیا۔ اس دوران پانی کی سطح میں اچانک اضافہ ہونے سے نوجوان وہیں پھنس گیا۔ نوجوان خود کو بچانے کے لیے ایک بڑی چٹان پر چڑھ گیا اور رات بھر وہیں پھنسا رہا۔ صبح جب مقامی لوگوں نے اس نوجوان کو پتھر پر دیکھا تو سٹی پولیس اسٹیشن منڈی کو اطلاع دی گئی۔ پولیس نے ریسکیو ٹیم کے ساتھ موقع پر پہنچ کر نوجوان کو بحفاظت باہر نکال لیا۔