ہماچل پردیش کے کلو ضلع میں 3 منزلہ عمارت گر کر تباہ، 4 افراد ہلاک اور 40 لاپتہ - Building Collapses In Kullu

کلّو (ہماچل): ہماچل پردیش میں بادلوں کے پھٹنے کے بعد کلّو سے ایک خوفناک ویڈیو سامنے آیا ہے جہاں جمعرات کو ایک ندی کے کنارے بنی ایک کثیر المنزلہ عمارت منہدم ہو کر بہہ گئی۔ اور  یہ عمارت تاش کے پتوں کی طرح منہدم ہوگئی۔  ویڈیو میں عمارت گرتی ہوئی دکھائی دے رہی ہے جبکہ عمارت میں موجود لوگ اور دیکھنے والے خوف سے چیخ رہے ہیں۔ پس منظر میں کوئی چیختا ہے۔ 3 منزلہ عمارت میں کئی دکانیں تھیں اور یہ پاروتی ندی کے کنارے تعمیر کی گئی تھی۔ ریاست میں صورتحال بدستور تشویشناک ہے کیونکہ شملہ کے رام پور سب ڈویژن اور منڈی ضلع کے پدھر میں بادل پھٹنے کے دو الگ الگ واقعات کے بعد تین افراد ہلاک اور کم از کم 40 لاپتہ ہیں جہاں شدید بارشوں کی وجہ سے کئی مکانات اور سڑکیں بہہ گئیں ہیں۔ دو ہائیڈرو پاور پروجیکٹس کو نقصان پہنچا۔ نیشنل ڈیزاسٹر ریسپانس فورس، انڈو تبت بارڈر پولیس، پولیس اور ہوم گارڈز کی ٹیموں نے بچاؤ کام شروع کر دیا ہے۔ لاپتہ افراد کی تلاش کے لیے ڈرونز کا بھی استعمال کیا جا رہا ہے۔