తల్లి ఒడిలో నుంచి 7 నెలల చిన్నారి అపహరణ, సీసీటీవీ దృశ్యాలు వైరల్

ఉత్తర్​ప్రదేశ్​లోని మథుర జంక్షన్​లో 7 నెలల చిన్నారి అప​హరణకు గురైంది. చిన్నారి తల్లి ఒడిలో నిద్రిస్తున్న సమయంలోనే దుండగుడు పసికందును కిడ్నాప్ చేశాడు. చుట్టూ ఎంత వెతికినా చిన్నారి ఆచూకీ తెలియకపోవడం వల్ల కుటుంబ సభ్యులు రైల్వే పోలీసులను ఆశ్రయించారు. పోలీసుల వివరాల ప్రకారం.. బాధిత దంపతులది ఫరా పోలీస్​ స్టేషన్​ పరిధిలోని పర్ఖాం అనే గ్రామం. కాస్​గంజ్​ ఎక్స్​ప్రెస్​లో 7 నెలల చిన్నారితో తెల్లవారుజామున మథుర జంక్షన్​కు​ చేరుకున్నారు. చీకటి ఎక్కువగా ఉండటం వల్ల 7వ నంబర్ ప్లాట్​ ఫాం వద్ద నిద్రపోయారు. చిన్నారి సంజయ్.. తల్లి ఒడిలో నిద్రస్తున్న సమయంలో గుర్తుతెలియని వ్యక్తి అక్కడికి వచ్చాడు. వెంటనే తల్లి పక్కలోంచి చిన్నారిని ఎత్తకుని వెళ్లిపోయాడు. ఈ దృశ్యాలన్నీ సీసీటీవీలో రికార్డయ్యాయి.