ట్రాలీ గణనాథుల హల్​చల్

భాగ్యనగరంలో వినాయక నిమజ్జన వేడుకల్లో ట్రాలీ గణనాథులు ఆకట్టుకున్నాయి. చిన్న చక్రాల బండిని ఏర్పాటు చేసి దానిపై బొజ్జ గణపయ్యలను ఉంచారు. గణపతులతో కూడిన చిన్నచక్రాల ట్రాలీని బషీర్​బాగ్ నుంచి హుస్సేన్​సాగర్ తీరానికి తీసుకెళ్లారు. బేగంబజార్​కు చెందిన మార్వాడి యువత 108 గణపతులను ట్రాలీగా ఏర్పాటు చేసి ఆకట్టుకున్నారు. వీటిని చూసేందుకు భక్తులు పోటీపడుతూ సెల్ఫీలతో సందడి చేశారు.