Prathidwani: సంక్షోభంలో ఉన్న చేనేతను ఆదుకునే దారేది?

లక్షలాది కుటుంబాలకు జీవనాధారమైన చేనేత రంగానికి జీఎస్టీ గుదిబండగా మారనుంది. నేత వస్త్రాలపై జీఎస్టీని ఐదు నుంచి పన్నెండు శాతానికి పెంచుతూ కేంద్రం తీసుకున్న నిర్ణయం నేతన్నల పాలిట మోయలేని భారం కానుంది. జనవరి ఒకటి నుంచి అమలు కానున్న ఈ పన్నుల విధానంపై దేశవ్యాప్తంగా కార్మికుల్లో అసంతృప్తి వ్యక్తమవుతోంది. సంక్షోభంలో ఉన్న చేనేత రంగాన్ని ఆదుకోవాల్సింది పోయి... మరింత భారం పెంచడం పట్ల నేతన్నలు ఆందోళన చెందుతున్నారు. ఈ నేపథ్యంలో తెలుగు రాష్ట్రాల్లో చేనేతపై జీఎస్టీ పెంపుదల ప్రభావం ఎంత? స్థానికంగా రాష్ట్ర ప్రభుత్వాలు అనుసరిస్తున్న వైఖరి ఏంటి? అసలు పన్నుల భారం తప్పించే మార్గాలున్నాయా? ఇదే అంశంపై ఈరోజు ప్రతిధ్వని.