Sitara And Namrata Attended a Program in Hyderabad : హైదరాబాద్​లో సందడి చేసిన సితార, నమ్రత

Sitara And Namrata Attended a Program in Hyderabad : సూపర్‌ స్టార్ మహేశ్​బాబు కుమార్తె సితార, భార్య నమ్రత హైదరాబాద్​లో సందడి చేశారు. కూకట్​పల్లిలో వస్త్ర రంగంలో రాణిస్తోన్న ఓ స్టోర్​లో బొమ్మల కొలువు పేరుతో ఏర్పాటు చేసిన కార్యక్రమానికి వారు ముఖ్య అతిథిగా హాజరయ్యారు. ఈ కార్యక్రమంలో పాల్గొన్న సితార, నమ్రత వృద్ధులకు, చిన్నారులకు వస్త్రాలను అందజేశారు. సితార అక్కడున్న పిల్లలతో కాసేపు ముచ్చటించారు.

కొంతమంది ఫ్యాన్స్‌ సితారతో సెల్ఫీలు తీసుకున్నారు. మహేశ్​బాబు సతీమణి నమ్రత ఫ్యాషన్‌ గురించి మాట్లాడారు. మాల్‌లో నిర్వహించిన కార్యక్రమానికి హాజరైనందుకు ఆనందంగా ఉందని సితార అన్నారు. కాగా సితార సోషల్‌ మీడియాలో యాక్టివ్‌గా ఉంటుంది. చిన్న వయస్సులోనే చిట్టి చిట్టి మాటలతో సెలబ్రిటీలను ఇంటర్వ్యూ చేస్తూ స్టార్‌డమ్‌ క్రియేట్‌ చేసుకుంది. ఇన్‌స్టాలో వీడియోలు, రీల్స్‌ చేస్తూ తన ఫాన్స్‌ను అలరిస్తుంది. ఇటీవల ఓ ప్రముఖ జ్యువెల్లరీ సంస్థకు బ్రాండ్‌ అంబాసిడర్‌గా సైన్‌ చేసింది.