MLA Raja Singh Fires On BRS MLAs : ఏ వేదికపై ఏం మాట్లాడాలో బీఆర్​ఎస్​ ఎమ్మెల్యేలకు కేసీఆర్ శిక్షణ ఇవ్వాలి: ఎమ్మెల్యే రాజాసింగ్

MLA Raja Singh Fires On BRS MLAs : జీహెచ్ఎంసీ పరిధిలో జరిగిన రెండు పడక గదుల ఇళ్ల పంపిణీ కార్యక్రమాలను అధికార పార్టీకి చెందిన పలువురు ఎమ్మెల్యేలు, ఇతర ప్రజాప్రతినిధులు రాజకీయ వేదికలుగా వాడుకున్నారని గోషామహల్ ఎమ్మెల్యే రాజాసింగ్ ఆరోపించారు. తనకు ఆహ్వానం వస్తే కొల్లూరులో మంత్రి హరీశ్​రావు చేతుల మీదుగా జరిగిన రెండు పడక గదుల ఇళ్ల పంపిణీ కార్యక్రమానికి వెళ్లానని తెలిపారు. కానీ, ఆ బహిరంగ సభలో బీజేపీని విమర్శించడానికి అధిక ప్రాధాన్యత ఇచ్చారంటూ తీవ్రస్థాయిలో అభ్యంతరం వ్యక్తం చేశారు. ఈ క్రమంలోనే ఖైరతాబాద్​ సహా ఇతర ఎమ్మెల్యేలకు ఏ వేదికపై ఏం మాట్లాడాలో కూడా తెలియదని ఆయన తీవ్ర స్థాయిలో విమర్శించారు. ఏ ప్రదేశంలో ఏం మాట్లాడాలో కూడా తెలియని ఎమ్మెల్యేలతో బీఆర్ఎస్ నిండిపోయిందని రాజాసింగ్ ఎద్దేవా చేశారు. ఎక్కడ ఏ విధంగా మాట్లాడాలో బీఆర్ఎస్ శాసనసభ్యులు, ప్రజాప్రతినిధులకు శిక్షణ కార్యక్రమం ఏర్పాటు చేసి తర్ఫీదు ఇవ్వాలని సీఎం కేసీఆర్​కు సూచిస్తున్నానన్నారు.