How To Register in U-win Portal : 'యూ విన్' పోర్టల్​లో ఎలా రిజిస్టర్ అవ్వాలో తెలుసా..?

How To Register in U-win Portal : పుట్టిన క్షణం నుంచి ఐదేళ్లలోపు పిల్లలకు అనేక రకాల టీకాలు ఇవ్వాల్సి ఉంటుంది. ఫలితంగా వారి బంగారు భవిష్యత్ సురక్షితం అవుతుందని వైద్యులు చెబుతారు. ఈ క్రమంలో టీకాలు ఎప్పుడు వేయించాలి.. ఎక్కడ వేయించాలి.. అనేది తల్లిదండ్రులకు పెద్ద సమస్యే. సమయానికి పనిమీద వేరే ప్రాంతాలకు వెళ్తే టీకా సమయం మించిపోయి ఇబ్బందులు తప్పని పరిస్థితి. ఈ నేపథ్యంలో ఎక్కడి వారైనా.. తాము ఉన్న చోటుకి దగ్గర్లోనే టీకా వేయించుకునే సౌకర్యం కల్పిస్తూ.. "యూ విన్" పేరుతో కేంద్రం ఓ కొత్త పోర్టల్​ని అందుబాటులోకి తెచ్చింది. కోవిన్ తరహాలోనే పనిచేస్తుందంటున్న ఈ యూవిన్(U-win Portal For Vaccination)​లో ఎలా రిజిస్టర్ చేసుకోవాలి? దాని వల్ల ఉపయోగాలు ఏంటి? అనే వివరాలను హైదరాబాద్ డీఎంహెచ్​ఓ డాక్టర్ వెంకటీ మాటల్లో ఇప్పుడు తెలుసుకుందాం.

"ఇంతకముందు వ్యాక్సినేషన్ ఇచ్చినప్పుడు ఆఫ్​లైన్ ఉండేది. ఎంతమందికి వ్యాక్సినేషన్ వేశామనేది చెప్పాల్సివస్తే.. మా దగ్గర ఉన్న రిజిస్టర్ల ద్వారా ఎవరెవరికి వేశామని చూసుకునేవాళ్లం. ఇప్పుడు ఈ యూ-విన్​ సిస్టమ్ అంతా అన్​లైన్ అయింది. అన్​లైన్ అవడం ద్వారా చాలా ఉపయోగాలు ఉన్నాయి. ఇందులో ఎక్కడున్న వారైనా రిజిస్టేషన్ చేసుకోవచ్చు." - వెంకటీ, హైదరాబాద్ డీఎంహెచ్​ఓ డాక్టర్