జై శ్రీరామ్​.. జై హనుమాన్​. ఘనంగా హనుమాన్​ శోభయాత్ర

హనుమాన్ జయంతి సందర్భంగా ఎల్బీనగర్ ఎమ్మెల్యే దేవిరెడ్డి సుధీర్ రెడ్డి అధ్వర్యంలో సరూర్​నగర్ స్టేడియం నుంచి హనుమాన్ శోభాయాత్ర జరిగింది. పెద్ద ఎత్తున ద్విచక్ర వాహనాల ర్యాలీ నిర్వహించారు. ఈ వాహనాలకు హనుమాన్ జండాలు, తలపై పైడిలతో యువత వెళ్లారు. యువకులతో పాటు మహిళలు జై హనుమాన్, జైశ్రీరామ్ అంటూ నినాదాలు చేస్తూ శోభాయాత్ర నిర్వహించారు. మొదటగా ఎల్బీనగర్ నియోజకవర్గంలోని వివిధ డివిజన్లో నుంచి వచ్చిన బైక్ ర్యాలీలు సరూర్​నగర్ స్టేడియంకు చేరుకున్నారు. అనంతరం అక్కడి నుంచి ర్యాలీని సుధీర్ రెడ్డి ప్రారంభించి బయలుదేరారు. 

ఈ శోభాయాత్రలో ఎమ్మెల్యే కుటుంబ సభ్యులంతా పాల్గొన్నారు. ఓవైపు మిరమిట్లు గొలుపే రంగురంగుల లైట్లు, డీజే పాటలతో శోభాయాత్ర కొనసాగింది. రోడ్డుపై పెద్ద ఎత్తున ర్యాలీ బయలుదేరినందున ట్రాఫిక్ పోలీసులు ఎప్పటికప్పుడు ట్రాఫిక్ నియంత్రించారు. ఎల్బీనగర్, వనస్థలిపురం, బీఎన్​రెడ్డి నగర్, హస్తినాపురం, సాగర్ రింగ్ రోడ్, చంపాపేట్ మీదుగా కర్మన్​ఘాట్​లోని హనుమాన్ దేవాలయం వద్దకు చేరుకున్న అనంతరం శోభాయాత్ర ముగిసింది.