బస్సులో మంటలు చెలరేగి నిద్రలోనే డ్రైవర్ కండక్టర్​ సజీవదహనం

ఝార్ఖండ్ రాంచీలోని ఖాడ్​గఢ్​ బస్టాండ్​లో​ ఘోరం జరిగింది. దేవునికి పెట్టిన దీపం అంటుకుని బస్సులో మంటలు చెలరేగాయి. ఈ ఘటనలో బస్సులో నిద్రిస్తున్న డ్రైవర్ మదన్, కండక్టర్ ఇబ్రహీం సజీవదహనం అయ్యారు. సమాచారం అందుకున్న పోలీసులు, అగ్నిమాపక సిబ్బంది ఘటనాస్థలికి చేరుకుని మంటలను అదుపులోకి తెచ్చారు. బస్సులో పూర్తిగా కాలిపోయిన రెండు మృతదేహాలను బయటకు తీశారు. ఈ ఘటన మంగళవారం వేకువజామున ఒంటిగంటకు జరిగిందని అధికారులు తెలిపారు.