బోధన్​ నియోజకవర్గం ప్రచారంలో ఘర్షణ - పోలీసుల లాఠీఛార్జ్

Clash between Parties Activists in a Election Campaign : అసెంబ్లీ ఎన్నికలు సమీపిస్తున్న వేళ అన్నీ పార్టీలు ప్రచారం జోరుగా చేస్తున్నాయి. పార్టీ అగ్ర నేతలతో సైతం నాయకులు ప్రచారాన్ని ముమ్మరంగా చేస్తున్నారు. ఈ నేపథ్యంలోనే అక్కడక్కడ అధికార పార్టీ నాయకుల, ప్రతిపక్ష పార్టీల కార్యకర్తల మధ్య ఘర్షణలు చోటు చేసుకుంటున్నాయి. తాజాగా నిజామాబాద్ జిల్లా ఎడపల్లి మండలం సాటాపూర్​లో బీఆర్ఎస్, బీజేపీ, కాంగ్రెస్ నాయకుల మధ్య పరస్పర దాడులు జరిగాయి.

ఎన్నికల ప్రచారంలో భాగంగా బోధన్ నియోజకవర్గ బీఆర్ఎస్ ఎమ్మెల్యే షకీల్ ఎడపల్లి మండలంలోని పలు గ్రామాల్లో పర్యటించారు. సాటపూర్ గ్రామానికి చేరుకున్న సమయంలో బీజేపీ, కాంగ్రెస్ కార్యకర్తలు బీఆర్​ఎస్ నేతలను అడ్డుకున్నారు. దీంతో అక్కడ కాసేపు ఉద్రిక్త వాతావరణం నెలకొంది. వెంటనే పోలీసుల బలగాలు చేరుకొని.. ఆందోళనకారులపై లాఠీ ఛార్జీ చేసి పరిస్థితిని అదుపులోకి తీసుకొచ్చారు. ఈ ఘటనలో ఎవరికీ ఎలాంటి గాయాలు జరగలేదని పోలీసులు తెలిపారు.