Dog: మానవత్వం చాటుకున్న చిన్నారులు.. శునకాన్ని కాపాడిన వీడియో వైరల్

Children rescue the dog from floods in nacharam: నేటి ఉరుకుల పరుగుల జీవితంలో సాటి మనుషులే కష్టాల్లో ఉన్నారంటే పట్టించుకోని ఈ రోజుల్లో.. ఆ చిన్నారులు చేసిన పని చూస్తే మానవత్వం ఇంకా బతికే ఉంది అనిపిస్తోంది. తమ కళ్ల ముందు ప్రమాదంలో చిక్కుక్కున్న ఓ జీవి ప్రాణాలు కాపాడారు ఆ బాలలు. ఇటీవల రాష్ట్రవ్యాప్తంగా కుక్క కాటుకు చిన్నారులు ప్రాణాలు కోల్పోతున్నారని, గాయాలపాలవుతున్నారని తరచుగా వార్తలు వింటున్నాం.. కానీ ఆ కుక్కల పట్లనే ఈ చిన్నారులు తమ మానవత్వం చాటారు. 

తమకు ఎమైనా హాని చేస్తుందేమోనని భయపడకుండా ఆ మూగజంతువును రక్షించారు. హైదరాబాద్​లో భారీగా వర్షం కురవడంతో వర్షపు నీటితో అధికంగా ప్రవహిస్తున్న నాలాలో ఇరుక్కుపోయిన ఓ కుక్కను సిద్దూ, చరణ్‌ అనే ఇద్దరు బాలురు కాపాడి బయటకు తీసుకు వచ్చారు. చిన్నారులు చేసిన సాహసాన్ని స్థానికులు మెచ్చుకుంటున్నారు. నాచారంలోని ఎర్రగుంట కల్లు కాంపౌండ్‌ సమీపంలోని నాలా వద్ద జరిగిన దృశ్యం వైరల్‌గా మారింది.