'షుగర్ ఫ్యాక్టరీ భూముల్ని అమ్మకానికి పెట్టిన బీఆర్ఎస్ ప్రభుత్వం'

BJP MP Arvind comments on BRS : తెలంగాణలో పసుపు బోర్డు తెచ్చిన ఘనత బీజేపీదని, ఆ పార్టీ అధికారంలోకి రాగానే సీఎం కేసీఆర్ కుటుంబాన్ని కారాగారంలోకి పంపుతామని ఎంపీ ధర్మపురి అరవింద్ వ్యాఖ్యానించారు. ఎన్నికల ప్రచారంలో భాగంగా నిజామాబాద్​ జిల్లాలోని బోధన్ పట్టణంలో యువశక్తి విజయ సమ్మేళనం కార్యక్రమనికి ఆయన ముఖ్య అతిథిగా హాజరయ్యారు. ఈ సందర్భంగా ఎంపీ అరవింద్​ మాట్లాడారు. బోధన్ బీజేపీ అభ్యర్థి వడ్డి మోహన్ రెడ్డికి మద్దతుగా నిలవాలని ప్రజల్ని కోరారు. బోధన్​లో చక్కెర కర్మాగారం ప్రారంభించడం బీజేపీ పార్టీతోనే సాధ్యం అని.. దీన్ని రైతులు గమనించాలని విజ్ఞప్తి చేశారు. 

ప్రస్తుత ఎమ్మెల్యే షకీల్​ అక్రమాలకు ముగింపు పలకాలంటే బీజేపీ అభ్యర్థి మోహన్ రెడ్డిని భారీ మెజార్టీతో గెలిపించాలని ఎంపీ అరవింద్ ​కోరారు. తెలంగాణలో షుగర్ ఫ్యాక్టరీ భూములను అమ్మడానికి కేసీఆర్ ప్రభుత్వం అనుమతించిందని ఆరోపించారు. రేవంత్​రెడ్డి, కేసీఆర్ కంటే వేగంగా ప్రభుత్వ భూములను అమ్మేస్తారని విమర్శించారు. తొమ్మిదేళ్లలో బీఆర్ఎస్​ ప్రభుత్వం ఉద్యోగాలు ఇవ్వలేదని మండిపడ్డారు. తమ పార్టీ అధికారంలోకి రాగానే ఆరు నెలలకోసారి ఉద్యోగాలు భర్తీ చేస్తామని హామీ ఇచ్చారు.