350kg Fish Viral Video : జాలర్లకు చిక్కిన 350కిలోల 'మురు' చేప.. వీడియో చూశారా?

350kg Fish Viral Video : చేపల వేటకు వెళ్లిన మత్య్సకారులకు పంట పండింది! జాలర్ల వలలో 350 కిలోల భారీ 'మురు' చేప చిక్కింది. అందుకు సంబంధించిన వీడియో ప్రస్తుతం సోషల్ ​మీడియాలో వైరల్​గా మారింది. ఈ సంఘటన కర్ణాటకలోని మంగళూరులో జరిగింది.

మంగళూరులోని ఫిషింగ్​ పోర్టు నుంచి కొందరు మత్స్యకారులు.. చేపల వేట కోసం సముద్రానికి శుక్రవారం వెళ్లారు. చేపలను పట్టుకునేందుకు పెద్ద సైజు వలను విసిరారు. అదే సమయంలో భారీ మురు చేప చిక్కింది. సుమారు 350 కిలోల బరువు ఉన్న ఆ చేపను పడవలో వేసేందుకు మత్య్సకారులు ఇబ్బంది పడుతున్నట్లు వీడియోలో చూడొచ్చు.

సాధారణంగా ఈ మురు చేపలు చిన్న సైజులో మార్కెట్​లో లభిస్తాయి. ఒక్కో చేప 250 గ్రాముల నుంచి 500 గ్రాముల వరకు ఉంటుంది. కానీ ఇంత పెద్ద సైజులో ఉన్న మురు చేపలను చూడటం అరుదు. ఈ మురు చేపలను కిలో రూ.100 నుంచి రూ.200 వరకు విక్రయిస్తున్నారు.