కవితకు వినూత్నంగా బర్త్​డే విషెష్​.. 20 వేల నాణేలతో 12 అడుగుల చిత్రం..

Birthday wishes to Kavitha: నిజామాబాద్ ఎమ్మెల్సీ కల్వకుంట్ల కవిత జన్మదినం (మార్చి 13) సందర్భంగా తన అభిమాని వినూత్నంగా శుభాకాంక్షలు తెలిపాడు. నిజామాబాద్​లోని భూమారెడ్డి కన్వెన్షన్​ సెంటర్లో.. నేలపై నాణాలతో 12 అడుగుల కవిత చిత్రాన్ని రూపొందించారు. తన చిత్రంతో పాటు "హ్యాపీ బర్త్ డే కవితక్క" అని రాసి శుభాకాంక్షలు తెలిపారు. నిజామాబాద్​కు చెందిన తెరాస యువ నాయకుడు పబ్బ సాయిప్రసాద్.. ప్రతీ సారి వినూత్నంగా కవితకు జన్మదిన శుభాకాంక్షలు తెలిజేస్తుంటాడు. అందులో భాగంగానే.. హైదరాబాద్​కు చెందిన ప్రఖ్యాత చిత్రకారుడు విజయ్ భాస్కర్ చేతుల మీదుగా ఈ కళాఖండాన్ని తయారు చేయించాడు. ఈ చిత్రం ఏర్పాటు చేయడానికి సుమారు 20 వేల నాణేలను ఉపయోగించారు. 15 గంటలకు పైగా ఆరుగురు కళాకారులు శ్రమించారు.